Габделбәр Хаҗиев
| Габделбәр Хаҗиев | |
|---|---|
 | |
| Туган телдә исем | Габделбәр Хаҗи улы Хаҗиев |
| Туган | 14 июль 1946 (77 яшь) СССР, РСФСР, ТАССР, Бондюг районы , Абалач |
| Милләт | татар |
| Ватандашлыгы |  СССР РФ |
| Һөнәре | галим-географ, педагог |
| Бүләк һәм премияләре |  |
Габделбәр Хаҗиев, Габделбәр Хаҗи улы Хаҗиев (1946 елның 14 июле, СССР, РСФСР, ТАССР, Бондюг районы, Абалач) ― галим-географ, педагог, педагогика фәннәре кандидаты (2002), доцент (2004), профессор (2006). Татарстан Республикасының атказанган укытучысы (2004).
Тәрҗемәи хәле[үзгәртү | вики-текстны үзгәртү]
1946 елның 14 июлендә[1] Бондюг (хәзерге Менделеевск) районының Абалач авылында күп балалы гаиләдә туган. Абалач урта мәктәбен тәмамлаганнан соң[2], Совет Армиясе сафларында, Красноярск шәһәрендә ракета гаскәрләрендә хезмәт иткән. Армиядән соң, 1968 елда Казан дәүләт педагогика институтының табигый-география факультеты география һәм биология бүлегенә укырга керә. 1973 елда Түбән Кама районының Югары Уратма урта мәктәбенә эшкә җибәрәләр, анда өч ел география һәм биология укытучысы, укыту-тәрбия эше буенча директор урынбасары булып эшли.
1976 елдан КДПИ география кафедрасы мөдире доцент Ю. В. Бабанов чакыруы буенча әлеге кафедрада укыту мастеры һәм ассистент вазифасында эшли. Фәнни-педагогик эшчәнлеге 30 елдан артык дәвам итә. 2002 елда «Авыл мәктәбендә экологик белем бирү» темасына педагогика фәннәре кандидаты гыйльми дәрәҗәсенә диссертация яклый[3], 2004 елдан доцент, 2006 елдан физик география һәм геоэкология кафедрасы профессоры.
Хезмәтләре[үзгәртү | вики-текстны үзгәртү]
- Авыл мәктәбендә экологик белем бирү (2002),
- Мәктәпкәчә яшьтәге балаларга экологик белем бирү (автордаш, 2002),
- Материклар һәм океаннар буенча (2006),
- Татарстан Республикасының экологик-географик сүзлеге (2003),
- Физик географияне укытуда педагогик рәсемне куллану (2006),
- Океаннарның физик географиясе буенча практикум (2007),
- Материкларның физик географиясе буенча практикум (2007),
- Татарстан Республикасының физик географиясе һәм экологиясе буенча практикум (2008),
- Авыл җирлегенең экологик үзенчәлекләре (2008),
- Татарстан экологиясе һәм географиясе. Сүзлек (2008),
- Татарстанның географик атамалары сүзлеге (2009),
- Онытылмас сәяхәтләр (2016),
- Татарстанның физик географиясе. VIII сыйныф (2018)
- Туган ягым ― Абалач (2015)[4]
- һ. б.
Бүләкләре, мактаулы исемнәре[үзгәртү | вики-текстны үзгәртү]
- 2004 ― Татарстан Республикасының атказанган укытучысы ― укучылар белән зур һәм нәтиҗәле педагогик эшчәнлеге өчен
Искәрмәләр[үзгәртү | вики-текстны үзгәртү]
- ↑ С юбилеем Вас, Габдельбар Хазеевич! — Журнал «Магариф» ВКонтакте, 13.07.2021
- ↑ Г. Хазеев. История школы села Абалач
- ↑ Диссертация на тему «Экологическое образование сельских школьников», автореферат
- ↑ Презентация книги «Туган ягым ― Абалач»(үле сылтама)
Сылтамалар[үзгәртү | вики-текстны үзгәртү]
- И. Гайсин, С. Бекетова. Учёный-географ, педагог. «Мәгариф», 17.01.2022