Динар Хәмитов (1980)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Динар Хәмитов (1980) latin yazuında])
Динар Хәмитов
Туу датасы 1980 ел(1980)
Туу урыны СССР, РСФСР, ТАССР, Питрәч районы, Питрәч
Үлем датасы 23 март 2022(2022-03-23)
Үлем урыны Украина
Иялек ССБР байрагы СССР→
Россия байрагы РФ
Гаскәр төре артиллерия
Дәрәҗә подполковник
Җитәкчелек иткән дивизион
Бүләкләр һәм премияләр II дәрәҗә Ватан алдындагы казанышлары өчен ордены медале - 2021 Батырлык ордены (РФ) - 2022
Википедиядә Хәмитов фамилияле башка кешеләр турында мәкаләләр дә бар.

Динар Хәмитов, Динар Зәкәрия улы Хәмитов (документларында: Динар Закярьевич Хаметов, 1980 ел, СССР, РСФСР, ТАССР, Питрәч районы – 2022 елның 23 марты, Украина) – россияле һөнәри хәрби, подполковник, Төньяк флотның 14нче армия корпусы 200нче аерым мотоукчылар бригадасы артиллерия реактив дивизионы командиры (Мурманск өлкәсе, 2016-2022). Украинада махсус операция барышында һәлак булган (23.03.2022).

Тәрҗемәи хәле[үзгәртү | вики-текстны үзгәртү]

1980 елда Татарстан АССР Питрәч районы үзәгендә туган. Әтисе Зәкәрия, Ленино-Кокушкино һөнәри укуханәсендә эшләгән, әнисе Нәзилә. Мәктәпкә Динар иртә керә. Балачактан хәрби булырга хыялланган. Милли көрәш, җиңел атлетика спорты белән җитди шөгыльләнгән. Ярышларда җиңүләр яулаган. Мәктәптән соң, Казан артиллерия училищесында укыган. 16 яшендә җилкәсенә погоннар таккан. 2002 елда хәрби училищены тәмамлаганнан соң, взвод командиры буларак, Ленинград хәрби округына, Мурманск өлкәсе Печенга(рус.)татар. шәһәренә җибәрәләр, 2 елдан штаб начальнигы һәм командир урынбасары була. 2016 елдан 2022 елга кадәр Төньяк флотның 14нче армия корпусы 200нче аерым мотоукчылар бригадасы артиллерия реактив дивизионы командиры.

Хезмәт иткән вакытта Динар Хәмитов өч тапкыр 6 шар ай Сириядә, кайнар ноктада командировкада булган [1].

42 яшьлек хәрби хезмәткәр Мурманск өлкәсеннән хәрби бурыч үтәргә Украинага җибәрелгән һәм 2022 елның 23 мартында Украинада махсус операция барышында һәлак булган [2]. 9 апрельдә туган җирендә җирләнгән [3] [4].

Бүләкләре, мактаулы исемнәре[үзгәртү | вики-текстны үзгәртү]

  • 2021 – II дәрәҗә «Ватан алдындагы казанышлары өчен» ордены медале
  • 2021 – Мурманск өлкәсе губернаторының «Поляр арты өлкәсендә фидакарь хезмәт өчен» мактаулы билгесе [3]
  • 2022 – Батырлык ордены (үлгәннән соң)

Гаиләсе[үзгәртү | вики-текстны үзгәртү]

Өйләнгән, хатыны Лилия, 2008 елда өйләнешкәннәр. Өч баласы: кызлары Камилә (Камилла), Әминә, улы Габдулла (Абдула).

Әдәбият[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. ↑ Ильшат Гайсаров. Пестречинец Динар Хаметов надел погоны на свои плечи в 16 лет. «Алга», 17.11.2021
  2. ↑ Валерий Голованов. Заметки. Одклассники.ру
  3. ↑ 3,0 3,1 . Военнослужащий погиб в ходе специальной операции на Украине. Пестречинское землячество. ВКонтакте
  4. ↑ Эдуард Салихов. Под Казанью простились с подполковником Динаром Хаметовым, погибшим в спецоперации на Украине. Казанские ведомости, 9.04.2022
Чыганак — https://tt.wikipedia.org/w/index.php?title=Динар_Хәмитов_(1980)&oldid=3504343