Игорь Руденя

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Игорь Руденя latin yazuında])
Навигациягә күчү Эзләүгә күчү
Игорь Руденя
Igor Rudenya.jpg
Туган 15 февраль 1968(1968-02-15) (54 яшь)
Мәскәү, СССР
Ватандашлыгы Flag of Russia.svg Россия
Әлма-матер Московский государственный университет пищевых производств[d]
Һөнәре сәясәтче
Сәяси фирка Бердәм Русия
Signature of Igor Rudenya.svg

Commons-logo.svg Игорь Руденя Викиҗыентыкта

Игорь Михайлович Руденя (1968 елның 15 феврале, Мәскәү) — Россия дәүләт эшлеклесе. 2016 елның 23 сентябреннән Тверь өлкәсе губернаторы (2016 елның 2 мартыннан 23 сентябренә кадәр Тверь өлкәсе губернаторы вазыйфаларын вакытлыча башкаручы). 2020 елның 10 июленнән «Бердәм Россия» партиясенең Тверь региональ бүлекчәсе секретаре. Россия Федерациясенең 1 нче класслы хакыйкый дәүләт киңәшчесе (2007).

Россия Федерациясе авыл хуҗалыгы министры урынбасары — статс-секретаре (2005—2007), Россия Федерациясе Хөкүмәтенең агросәнәгать комплексы департаменты директоры (2008—2012)[1]. Россия Федерациясенең атказанган авыл хуҗалыгы хезмәткәре (2012). «Бердәм Россия» партиясенең Генераль советы әгъзасы[2].

Тормыш юлы[үзгәртү | вики-текстны үзгәртү]

Игорь Руденя 1968 елның 15 февралендә Мәскәү шәһәрендә туган[3][4].

1998 елда Мәскәү дәүләт азык-төлек җитештерүләре университетын икътисадчы-менеджер белгечлеге буенча тәмамлый.

2002 елда Россия Федерациясе Кораллы Көчләре Генераль штабының Хәрби академиясен тәмамлый (квалификация күтәрү).

1986 елдан 1988 елга кадәр ССРБ Кораллы Көчләрендә хезмәт итә.

Карьера[үзгәртү | вики-текстны үзгәртү]

РФ Президенты киңәшчесе Владимир Васильев, Тверь өлкәсе губернаторы Игорь Руденя, Дәүләт думасы рәисе Вячеслав Володин, аграр мәсьәләләр комитеты әгъзасы Игорь Станкевич һәм оборона комитеты рәисе урынбасары Виктор Заварзин Ржев мемориалы янында, 2021 ел

Демобилизациядән соң эчке эшләр органнарында эшли.

1989 елдан 1991 елга кадәр Мәскәү шәһәре буенча Эчке эшләр министрлыгының Баш идарәсендә хезмәт итә.

1992 елдан 1996 елга кадәр «„Росхлебопродукт“ Федераль контракт корпорациясе» ААҖндә җитәкче вазыйфаларда эшли.

1995 елның сентябрендә «Покров» дәүләт куркынычсызлыгы хезмәткәрләре, ветераннары һәм һәлак булган хезмәткәрләрнең гаиләләре өчен ярдәм фондын гамәлгә куючылар һәм җитәкчеләр исемлегенә керә[5].

1996 елда «Росзерно» ЯАҖ генераль директоры була.

2002 елда Россия Федерациясе Хөкүмәте аппаратының агросәнәгать комплексын үстерү департаментын җитәкләп, Россия Федерациясе Хөкүмәте аппаратында эшли башлый.

2004 елда Россия Федерациясе Хөкүмәте тармак үсеше департаменты директоры урынбасары итеп билгеләнә.

2005 елдан 2007 елга кадәр Россия Федерациясе авыл хуҗалыгы министры урынбасары — статс-секретаре була. Икътисадый үсеш министрлыгы һәм Россия Финанс министрлыгы чиновниклары белән бергә ЕГАИС алкогольле продукция әйләнешен исәпкә алу системасын кертүдә катнашкан. Системаның эшләвен регламентлый торган закон актларының камил булмавы, шулай ук МЭРТ, Эчке эшләр министрлыгы, Росстат, ФСБ, ФСХ, Сәламәтлек саклау һәм социаль үсеш министрлыгы, ФТС һәм Сәнәгать министрлыгы әзерләгән норматив документлар белән бәйле проблемалар аркасында, системаны кертү Россия алкоголь продукциясе базарында тискәре кабул ителгән[6].

2007 елның 15 ноябрендә Руденя Хөкүмәт карары белән Хөкүмәтнең төбәк мониторингы департаментыннан үзгәртеп корылган төбәк үсеше һәм агросәнәгать комплексы департаменты директоры итеп билгеләнә[7][8].

2008 елның 22 августында премьер-министр Владимир Путин Руденяны Россия Федерациясе Хөкүмәтенең агросәнәгать комплексы департаменты директоры итеп билгеләгән[9].

Руденя Владимир Путин белән очрашуда, Кремль, 2016 елның 4 июле

2009 елның февралендә, Алексей Гордеевның авыл хуҗалыгы министры вазифасыннан китәчәге турында мәгълүм булгач, Игорь Руденяны вазыйфага мөмкин булган кандидатларның берсе дип атаганнар, әмма нәтиҗәдә, авыл хуҗалыгы министрлыгы башлыгы итеп Елена Скрынник билгеләнгән[10].

2009 елның октябрендә Волгоград өлкәсе губернаторы вазыйфасына Дмитрий Медведевка тәкъдим ителгән кандидатлар исемлегенә керә[11].

2012—2016 елларда — «Росзерно» ЯАҖ генераль директоры.

Тверь өлкәсе губернаторы[үзгәртү | вики-текстны үзгәртү]

2016 елның 2 мартында Тверь өлкәсе губернаторы Андрей Шевелев отставкага киткәннән соң Россия Федерациясе Президенты Владимир Путин указы белән Руденя регион башлыгы вазыйфаларын башкаручы итеп билгеләнә[12].

2016 елның 23 июнендә Руденя Тверь өлкәсе сайлау комиссиясенә регион губернаторы вазыйфасына кандидат буларак тәкъдим итү өчен документлар тапшырган[13]. 2016 елның 18 сентябрендә узган сайлауларда сайлаучыларның 72,13 % тавышын җыеп җиңү яулаган[14].

2016 елның 23 сентябрендә Тверь өлкәсенең академия драма театры бинасында Тверь өлкәсе Закон чыгару Җыелышының чираттан тыш 73 нче утырышы кысаларында Руденяның губернатор вазыйфасына керешүе тантанасы уза[15].

2020 елның 27 гыйнварыннан 21 декабренә кадәр — Россия Федерациясе Дәүләт Советы президиумы әгъзасы[16][17].

«Бердәм Россия» партиясенең Генераль советы әгъзасы. «Бердәм Россия» партиясенең Тверь региональ бүлекчәсе секретаре[18].

Россия Федерациясенең 1 нче класслы хакыйкый дәүләт киңәшчесе (2007).

Бүләкләр[үзгәртү | вики-текстны үзгәртү]

  • Почёт ордены (2008 елның 14 феврале) — агросәнәгать комплексын үстерүдәге казанышлары һәм күпьеллык намуслы хезмәте өчен[19].
  • Россия Федерациясенең атказанган авыл хуҗалыгы хезмәткәре (2012 елның 28 июле) — хезмәттәге уңышлары, күпьеллык намуслы хезмәте, актив җәмәгать эшчәнлеге өчен[20].

Гаилә[үзгәртү | вики-текстны үзгәртү]

Руденя өйләнгән (хатыны Ольга), биш бала тәрбияли: Георгий, Михаил, Даниил, Анна һәм Мария[21][22][23]. Бабасы — Михаил Михайлович Руденя (1922—2002), Бөек Ватан сугышында катнашучы, фронтта медицина хезмәте лейтенанты, фельдшер була[24][25].

Искәрмәләр[үзгәртү | вики-текстны үзгәртү]

  1. Исполняющим обязанности главы Тверской области назначен Игорь Руденя. РИА Новости (2016-03-02). 2016-03-02 тикшерелгән.
  2. Генеральный совет партии «Единая Россия».
  3. Биография Игоря Рудени. РИА Новости (2016-03-02). 2016-03-02 тикшерелгән.
  4. Биография Игоря Рудени. Правительство Тверской области. әлеге чыганактан 2016-04-16 архивланды. 2016-03-22 тикшерелгән.
  5. Первый русский губернатор против «Матильды». ruskline.ru. 2018-08-21 тикшерелгән.
  6. Бутрин Д., Кряжев Д., Нетреба П. Под градусом критики // Коммерсантъ : газета. — № 207 (3 ноября 2006). — С. 1.
  7. Распоряжение Правительства РФ от 15.11.2007 № 1617-р «Об изменениях в структуре Аппарата Правительства Российской Федерации». КонсультантПлюс.
  8. Распоряжение Правительства РФ от 15.11.2007 № 1618-р г. Москва «О Рудене И. М.». КонсультантПлюс. әлеге чыганактан 2016-09-17 архивланды.
  9. Игорь Руденя назначен главой правительственного департамента АПК. РИА Новости (2008-08-26).
  10. Гордеев выбрал кандидатов на пост главы Минсельхоза. Lenta.ru (2009-02-20). 2016-07-10 тикшерелгән.
  11. Ирина Ильичева (2010-01-12). Анатолий Бровко вступил в должность губернатора Волгоградской области. РИА Новости.
  12. Указ Президента Российской Федерации от 2 марта 2016 года № 97 «О досрочном прекращении полномочий Губернатора Тверской области». Сайт Президента России.
  13. Игорь Руденя подал в избирком документы на выдвижение. РИА Новости (2016-06-26). 2016-06-23 тикшерелгән.
  14. Игорь Руденя победил на выборах губернатора Тверской области. ТАСС (2016-09-19). 2016-09-19 тикшерелгән.
  15. Вера Пакина (2016-09-23). Игорь Руденя официально вступил в должность губернатора Тверской области. ТАСС. 2016-09-23 тикшерелгән.
  16. Распоряжение Президента Российской Федерации от 27.01.2020 г. № 10-рп «О президиуме Государственного совета Российской Федерации».
  17. Распоряжение Президента Российской Федерации от 21.12.2020 № 310-рп ∙ Официальное опубликование правовых актов ∙ Официальный интернет-портал правовой информации. 2020-12-29 тикшерелгән.
  18. Руденя одержал победу на выборах губернатора Тверской области (2021-09-20).
  19. Указ Президента Российской Федерации от 14.02.2008 г. № 196 «О награждении орденом Почёта Рудени И. М.».
  20. Указ Президента Российской Федерации от 28.07.2012 г. № 1032 «О награждении государственными наградами Российской Федерации».
  21. Игорь Руденя вступил в должность губернатора Тверской области (рус.), РИА Новости (20160923T1059+0300Z). 21 август 2018 тикшерелде.
  22. Алексей Косоруков. В Твери на Пасху Игорь Руденя звонил в колокола / видео. tverigrad.ru. 2018-08-21 тикшерелгән.
  23. Тверьнюсь. У губернатора Тверской области родился пятый ребёнок 23.07.2020.
  24. КП. Губернатор Тверской области пронес в Бессмертном полку портрет своего деда-фронтовика 09.05.2017.
  25. Электронная книга памяти Бессмертного полка. Руденя Михаил Михайлович. әлеге чыганактан 2019-12-04 архивланды. 2022-05-29 тикшерелгән.

Сылтамалар[үзгәртү | вики-текстны үзгәртү]