Легенда

Wikipedia — ирекле энциклопедия проектыннан
Моңа күчү: навигация, эзләү

Леге́нда (лат. legendaукырга тиешле нәрсә) — эпик һәм прозаик жанр. Могҗизалыкка, фантастик күзаллауга нигезләнгән һәм сөйләүче ягыннан да, тыңлаучылар тарафыннан да кайчандыр тормышта булган хәл төсендә кабул ителә торган хикәят.

Риваятьләрдән алар чынбарлыкка нинди мөнәсәбәттә булулары, тарихи мәгълүматны, чынбарлыкны чагылдыру дәрәҗәсе белән аерыла. Әкияттән аермалы буларак исә, легендаларда нигез булып чыннан да кайчандыр булган хәлләр ята.

Гадәттә легендаларны түбәндәге төркемнәргә аералар:

  1. Космогоник (дөньяның, Җирнең, күк җисемнәрнең ничек барлыкка килүе турында).
  2. Этногоник (халыкларның берләшүләре, барлыкка килүләре турында).
  3. Зоогоник (төрле хайван һәм кош-кортларның барлыкка килүе яки аларның теге яки бу ягын тасвирлау).
  4. Дини (дини ошанулар, сюжетлар).
  5. Топономик (географик атамаларның килеп чыгышын уйдырмага нигезләп аңлату).
  6. Тарихи (төрле тарихи чорларда, халык һәм шәхесләр тормышын бәян итү, тасвирлау).
  7. Социаль-утопик (киләчәккә юнәлдерелгән тормышка ашмаслык хыял яки буш өметләрне чагылдыру).
  8. Көнкүреш легендалары (уйдырма вакыйгалар яки хәлләрнең тормыш-көнкүрешкә бәйләп бәян ителүе).

Шулай ук карагыз[үзгәртү]

Чыганаклар[үзгәртү]

  • Бакиров М.Х. Татар фольклоры / Казан: «Мәгариф» нәшрияты, 2008 ел.