Роман Головченко

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Роман Головченко latin yazuında])
Навигациягә күчү Эзләүгә күчү
Роман Головченко
Roman Golovchenko (2020-09-03)(portrait).jpg
Беларусия премьер-министры
Вазыйфага керешкән
2020 елның 4 июне
Аңа кадәр Сергей Румас
Дәүләт Хәрби-сәнәгать комитеты рәисе
Вазыйфада
2018–2020
Туган 10 август 1973(1973-08-10) (47 яшь)
Белоруссия ССР, Минск өлкәсе, Жодино
Белем Мәскәү дәүләт халыкара мөнәсәбәтләр институты
Беларусия Республикасы Президенты каршындагы идарә академиясе

Роман Головченко, Роман Александр улы Головченко (белар. Раман Аляксандравіч Галоўчанка, рус. Роман Александрович Головченко, 1973 елның 10 августы, Белоруссия ССР, Минск өлкәсе, Жодино) — Беларусия сәясәтчесе, 2020 елның 4 июненнән Беларусия байрагы Беларусия премьер-министры, 20182020 елларда Беларусия дәүләт Хәрби-сәнәгать комитеты рәисе[1]. Гадәттән тыш һәм тулы вәкаләтле илче дипломатик рангына ия (2018).

Тәрҗемәи хәле[үзгәртү | вики-текстны үзгәртү]

М. В. Мишустин (с), А. Г. Лукашенко, Р. А. Головченко

1973 елның 10 августында Белоруссия ССР (хәзерге Беларусия Республикасы) Минск өлкәсе Жодино шәһәрендә туган. 1996 елда «Халыкара мөнәсәбәтләр» белгечлеге буенча Россия Федерациясе Тышкы эшләр министрлыгының Мәскәү дәүләт халыкара мөнәсәбәтләр институтын, 2003 елда «Икътисад һәм тышкы икътисадый эшчәнлек белән идарә итү» белгечлеге буенча Беларусия Республикасы Президенты каршындагы идарә академиясен тәмамлаган. Чит телләр (инглиз, гарәп, алман, поляк) белә.

Хезмәт юлы[үзгәртү | вики-текстны үзгәртү]

1997—2002 елларда — Беларусия Республикасы Куркынычсызлык Шурасы Дәүләт секретариатының баш белгече булып эшли.

2002 елдан 2005 елга кадәр — Беларусия Республикасы Генераль прокуратурасының бүлек башлыгы урынбасары.

2005—2006 елларда — Беларусия Президенты Александр Лукашенко администрациясе тышкы сәясәт идарәсенең баш киңәшчесе була.

2006 елдан 2009 елга кадәр — Халыкара иминлек өлкәсендә хезмәттәшлек бүлегенең баш киңәшчесе, Беларусия Республикасы Куркынычсызлык Шурасы Дәүләт секретариатының Халыкара куркынычсызлык идарәсе баш киңәшчесе вазыйфасын башкара.

2009 елның июль-декабрь айларында — Польшада Беларусия илчелегенең киңәшче-илчесе булып эшли.

2009-2013 елларда — Беларусиянең дәүләт Хәрби-сәнәгать комитеты рәисенең беренче урынбасары булып эшли.

2013 елның апреленнән 2018 елның августына кадәр — Беларусиянең Берләшкән Гарәп Әмирлекләрендә, шулай ук Катар, Күвәйт һәм Согуд Гарәбстанында Гадәттән тыш һәм тулы вәкаләтле илчесе була.

2018 елның 18 августыннан 2020 елның 4 июненә кадәр — Беларусиянең дәүләт Хәрби-сәнәгать комитеты рәисе.

2020 елның 4 июнендә Беларусия Президенты Александр Лукашенко Роман Александр улы Головченконы илнең премьер-министры итеп билгели[2].

Гаилә хәле[үзгәртү | вики-текстны үзгәртү]

Өйләнгән. Улы һәм ике кызы бар.

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. Роман Александрович Головченко. Государственный военно-промышленный комитет Республики Беларусь(рус.)
  2. Лукашенко назначил нового премьера Белоруссии. msn.com, 4.06.2020 (рус.)
Элгәре:
Сергей Румас
20182020
Беларусия байрагы Беларусия премьер-министры
20202020
Аннары:
'