Рәшит Гафиятуллин

Рәшит Гафиятуллин
Туган телдә исем	Рәшит Фәдертдин улы Гафиятуллин
Туган	12 апрель 1954(1954-04-12) (71 яшь) Казан
Милләт	татар
Ватандашлыгы	ССРБ ССРБ→ Россия Россия
Әлма-матер	Казан сынлы сәнгать укуханәсе
Һөнәре	укытучы, идарә башлыгы, казый
Җефет	Резедә Мирза кызы (1963), баш табиб
Балалар	улы Илнар (1986), хокукчы кызы Динара (1991)
Ата-ана	Фәдертдин Бәдретдин улы (әти) Мөнирә Нурислам кызы (әни)
Бүләк һәм премияләре	Казанның 1000 еллыгы истәлегенә медале

Рәшит Гафиятуллин, Рәшит Фәдертдин улы Гафиятуллин, рус. Гафиятуллин Рашид Фадрттинович — хокукчы, ТР конституция суды казые (2014), Татарстан министрлар кабинеты аппараты хокук идарәсе башлыгы (1995-2014). Русиянең һәм Татарстанның атказанган юристы.

Тәрҗемәи хәле

1954 елның 12 апрелендә Казанда туган. Казан сәнгать училещесын (1973), Казан дәүләт университетының юридик факультетын (1982) тәмамлаган. Алманиядә хәрби хезмәттә булган (1973-1975).

Хезмәт юлы

• 1973 Казанның 32 нче мәктәбендә сызым һәм рәсем укытучысы.
• 1975-1976 Казанның Ленин исемендәге фәнни-сәнәгать берләшмәсендә 5 нче дәрәҗәле гравирлаучы.
• 1982-1992 Агросәнәгать комплексы хезмәткәрләре һөнәри берлегенең Татарстан бүлегендә хокук буенча киңәш бирүче (рус. юрисконсультант), хокукый яклау бүлеге башлыгы, хезмәт хокукы баш инспекторы.
• 1992-1995 ТАССР Югары шурасы хокук бүлеге мөдире урынбасары.
• 1995-2014 ТР министрлар кабинеты хокук идарәсе башлыгы.
• 2014 елдан ТР конституция суды казые

«Халык өчен хокук консультациясе» шәлкеменнән 6 китап автордашы.

Бүләкләре, мактаулы исемнәре

• Русиянең атказанган хокукчысы.
• Татарстанның атказанган хокукчысы.
• «Казанның меңьеллыгы истәлегенә» медале.
• РФ ЭЭМ мактау кәгазе.

Сылтамалар

• Р.Ф. Гафиятуллин ТР эшлекле үзәге сайтында