Нисә сүрәсе

Ән-Нисә
гарәп. سورة النساء‎

Арабский Коран (14мб).pdf Сүрә (аудио) Ән-Нисә
Исеменең тәрҗемәсе	Гыймран гаиләсе
Статистика
Сүрә саны	4
Аятьләренең саны	176
Җуз	4-6
Сүзләре саны	3712
Хәрефләре саны	15937
Алдагы сүрә	Әли Гыймран
Киләсе сүрә	Әл-Мәидә
Тәрҗемә	QuranAcademy.org

Ән-Нисә (хатын-кызлар) сүрәсе(гар.سورة النساء - сүрәтүн-нисә) - Коръәндә дүртенче сүрә. Сүрә Мәдинәдә иңгән.

Әлеге сүрә, Өхед сугышындагы көтелмәгән җиңелүдән соң, берничә ай дәвамында иңгән. Әлеге сугышта, тыңламаулары һәм тәртип бозулары сәбәпле, күп мөселманнар үтерелә. Ятимнәр, тыл хатыннар турында кайгырту кирәклелеге барлыкка килә.

Бу сүрәдә шулай ук алар җәһилият (Исламгача чор) чорында мәхрүм булган хатын-кыз хокуклары күрсәтелә. Гарәпләрнең тарихында беренче тапкыр полигамиягә (күпхатынлылыкка) чикләүләр кертелә: хатыннар саны дүрттән артык булалмый башлый, шул ук вакытта моның өчен аерым шартлар да кертелә.

Әлеге сүрә исламның дошманнарына ярдәм күрсәткән монафикъларны шелтәли. Сүрәдә шулай ук бөтен кешеләр һәм, аерым алганда, мөселманнар таянып эшләргә тиешле кагыйдәләр карала. Бу кагыйдәләр тәртип, тигезхокуклылыкка чакыра, ятимнәргә, никахка, ятимнәрне карауга алуга, әманәткә ничек карарга киркәлеген күрсәтә.

Аллаһ әлеге сүрәдә васыять һәм мал күчерүгә күрсәтмәләр бирә, өйләнергә ярамаган хатыннар турында да әйтә. Бу сүрәдә шулай ук сугыш вакытында гыйбадәткә игътибар бирелә, Китаб әһелләренең Аллаһка карата гаделсезлекләре турында әйтелә (мәсәлән, Мәрьям, Гайсәнең тәрегә кадаклануы турында уйланулар китерелә). Аллаһ беркайчан да гафу итмәячәк кешеләр: Аңа ширек кылучылар турында әйтелә, ләкин Ул башка барлык гөнаһларны теләгән кешеләренә кичерә.

Сылтамалар

• Хатын-кызлар сүрәсенең Ногмани тәфсире
• Коръәннең «Ән-Нисә» сүрәсе, һәр аятьның әйтелеше аерым бирелә, язылышы ике телдә гәрәбчә һәм урысча ayatlar.com сайтында