Башнефть

Wikipedia — ирекле энциклопедия проектыннан
Моңа күчү: навигация, эзләү
Башнефть ААҖ
Тип

ачык акционер җәмгыяте

Нигезләү елы

1946 ел

Урнашуы

Уфа, Башкортстан

Төп затлар

Александр Гончарук, Александр Корсик

Тармагы

Нефть чыгару, эшкәртү, нефтехимия

Продукциясе

Нефтепродуктлар, нефтехимия продуктлары

Операцион керем

$2,3 млрд (2010)

Чиста керем

$1,4 млрд (2010)

Сайт

www.bashneft.ru

«Башнефть» ААҖБашкортстан һәм Русиянең нефть ширкәте. Башкортстандагы нефть ятмалары өстендәге идарә компаниясе буларак 1946 елда оештырыла. Төп офисы Уфада урнашкан.

Нефть табу тармагы[үзгәртү]

Компаниягә түбәндәге җитештерү оешмалары керә:

2009 елда “кыз компаниясе” буларак ҖЧҖ «Башнефть-Добыча» оештырыла. Аның кул астына НГДУ «Ишембайнефть», НГДУ «Әрләннефть», НГДУ «Краснохолмскнефть», НГДУ «Туймазынефть», НГДУ «Уфанефть» һәм НГДУ «Чакмагышефть» кергәннәр. [1]

Предприятие «Башнефть»ның Башкортстандагы, Ханты-Манси автоном округы, Оренбург өлкәсе, Татарстандагы 166 чыганагын хезмәтләндерә. Иң зур чыганаклар: Әрлән, Туймазы, Югәмеш, Чытырман, Манчар, Знаменское, Илеш, Тәтешле ятмалары.

Нефть суырту өчен тирбәнчек станок, Башнефть

1992 елда төзелгән ҖЧҖ «Җиргән» - Мәләвез районындагы Терекле ятмасын үзләштерү белән мәшгуль. Башнефть 2004 елда 50% акцияләрен үзләштерә, 2008 елдан - аның тулы карамагында.

ҖЧҖ «Геонефть» - Оренбург өлкәсендәге ятмаларны хезмәтләндерә. 2008 елдан 100% акцияләрен Башнефть сатып алган.

ҖЧҖ «Башминерал»

«БашНИПИнефть»

2011 елда Башнефть файдасына «Оренбургнефтепродукт»ның 94 % акциясе сатып алынган.

Нефть эшкәртү тармагы[үзгәртү]

Башнефть системасына тулаем куәте елга 24 млн тонна өч нефть эшкәртү заводы керә («Уфанефтехим», Уфа нефть эшкәртү заводы» һәм «Новойл»). Продукцияне сату өчен компаниянең Башкортстан, Удмуртиядә һәм Оренбург өлкәсендә урнашкан нефтебазалары, үзенеке 460 автоягулык салу станциясе (АЗС) һәм 160 чит АЗС җаваплы.

Милекчеләр һәм җитәкчеләр[үзгәртү]

2009 елның апреленә кадәр компания төрле фиктив ия-арадашчылар аша Башкортстан президенты Мортаза Рәхимовның малае Урал кулында булган дип саналган.

2009 елда Башкортстанның ягулык тармагы, атап әйткәндә “Башнефть”, “Уфанефтехим”, “Уфа нефть эшкәртү заводы”, “Новоил”, “Башкирэнерго” һәм “Башкирнефтепродукт” заводларын “Система” корпорациясе сатып алган. “Система” болар өчен барлыгы 66,76 миллиард сум акча түләгән. Ул акчалар бүген 63 миллиардка калган. Аның кай тарафка югалуы әлегә ачыкланмаган.

Ул акчалар башта дүрт: “Инзәр”, “Урал”, “Юрүзән” һәм “Агыйдел” хәйрия фондларына салынган иде. Хәзер ул фондлар берләштерелеп “Урал” фонды карамагына күчерелгән. Әлеге фондның рәисе - Башкортстанның элекке президенты Мортаза Рәхимов.[2]

2011 елның февралендә акцияләрнең контроль пакетын АФК “Система” тоткан, тагын 25% - аның иярчене “Система-инвест” кулында.

Компания хуҗалары 2010 елда $1,4 млрд чиста табыш алганнар.

Искәрмәләр[үзгәртү]

Сылтамалар[үзгәртү]