Михаил Кузьмин

Wikipedia — ирекле энциклопедия проектыннан
Моңа күчү: навигация, эзләү
Михаил Кузьмин

Тулы исеме Михаил Кузьма улы Кузьмин
Һөнәре разведчик (күзәтүче)
Туу датасы 17 октябрь 1915(1915-10-17)
Туу җире Чуел өязе Иске Тәрбит авылы
Милләте татар
Үлем датасы 29 ноябрь 1941(1941-11-29) (26 яшь)
Бүләк һәм премияләре Советлар Берлеге Каһарманы (1941), Советлар Берлеге Каһарманы исеме

Михаил Кузьма улы КузьминБөек Ватан сугышында 46нчы танклар полкы 46 танклар бригадасының политругы, Совет Берлеге Каһарманы.

Ул 1915 елда бүгенге Кайбыч районы Иске Тәрбит авылында татар гаиләсендә туган. Мәлки җидееллык мәктәбен бетереп Шатура каласына эшкә чыгып китә. 1935 елда армиягә алына. Горький каласында хәрби уку йортын тәмамлый.

Ул Ленинград янындагы Тихвин каласы янында дошман колонналарын юк итә. Якынча 400 фашист һәм күп кенә техника юк ителә. Ул 2-дзот офицерларын, миномет батареясын һәм 15 пулеметны юк итүгә ирешә. 1941 елның 29 ноябрендә Михаил Кузьмин танкы шартлатыла һәм яна. Сугышчы исә янып торучы танктан чыкмыйча сугышуын дәвам итә һәм танк белән бергә янып бетә.

1941 елның 1 декабрендә Михаил Кузьма улы Кузьминга үлгәннән соң Совет Берлеге Каһарманы исеме бирелә.

Чыганаклар[үзгәртү]