Килем

Килем
Ил	РоссияРоссия
Җөмһүрият	Башкортстан
Район	Бүздәк районы
Координатлар	54°46'6"N, 54°37'5"E
Рәсми тел	татар теле
Халык саны	830 кеше
Милли состав	татарлар
Дини состав	мөселман-сөнниләр
Сәгать кушагы	UTC+5, җәен UTC +6
Почта индексы	452725

Килем — Башкортстанның Бүздәк районындагы татар авылы, авыл җирлеге үзәге. Идәш елгасы буенда урнашкан. 2010 ел җанисәбен алу буенча биредә 797 кешенең яшәве мәгълүм.

Истәлекле урыннар

Авылның төп истәлекле урыны – Тәфкилев морзалар утары. Утарга 1821 елда төзелгән таш мәчет, 1853 елда төзелгән Тәфкилевлар сарае һәм парк керә. Якында 17 гасыр мөселман зираты урнашкан.
/> Россия Федерация президентының 1995 елның 20 февральдәге 176нчы карары нигезендә 1821 елда төзелгән бина федераль әһәмияттәге тарихи һәм мәдәни мирас исемлегенә кертелгән.
Реставрацияләнгән Сарайда бүген “Килем” Татар тарихи-мәдәни үзәге урнашкан.

• 

  Тәфкилев морзалар утары

• 

  Дәүләт тарафыннан саклануы турында билге

Демография

1917 елда Килемдә (“Иске Килемдә”) 1456 кеше яши. Милләте буенча: 1441 татар, 9 типтәр, 6 башкорт.

Халык саны

2010
797

2002 елда 67% халык татарлар итеп яздырылган, «башкорт» – 32%.

Социаль тармак

Авылда урта мәктәп эшли. Элек Тәфкилев сараенда урнашкан булса, әле яңа бинада эш итә.

Авылның атаклы кешеләре

• Котлымөхәммәт Мәмәш улы Тәфкилев (1674-1766) – Россия дәүләте эшлеклесе, дипломат, эре алпавыт
• Сәлимгәрәй Тәфкилев (1805-1885) – Ырынбур диния назәрәтенең 4нче мөфтие
• Котлымөхәммәт Батыргәрәй Тәфкилев (1850-1917) – Патша Дәүләт Думасының дүрт чакырышы депутаты
• Сәлимгәрәй Җантурин – Тәфкилевләрнең кардәше, 1нче Дәүләт Думасының депутаты
• Филүс Каһиров — җырчы
• Имаметдин Сәйфуллин (1885-1923), педагог, «Яңа әлифба» авторы.

Җитештерү тармагы

Килемнең күмәк хуҗалыгы таркалган, авыл җирләрен 9 фермер хуҗалык эшкәртә.

Географик урынлашу

• район үзәгенә кадәр (Бүздәк): 26 км
• тимер юл станциясенә (Бүздәк): 25 км

Чыганаклар

• Сельское поселение Килимовский сельсовет 2012 елның 6 апрель көнендә архивланган.

Сылтамалар

• Совет муниципальных образований Республики Башкортостан (рус.)