Бүздәк

Бүздәк
Дәүләт	Россия
Нәрсәнең башкаласы	Буздякский сельсовет[d], Бүздәк райуны һәм Бүздәк вулысы
Административ-территориаль берәмлек	Буздякский сельсовет[d], Бүздәк вулысы һәм Бүздәк райуны
Халык саны	10 323 кеше кеше (2010)
Почта индексы	452710
Җирле телефон коды	34773

Бүздәк — Башкортстанның Бүздәк районы үзәге, авыл статусына ия. 2010 ел җанисәбен алу буенча биредә 10323 кешенең яшәве мәгълүм.

Авыл аша Куйбышев тимер юлы, М5 «Урал» федераль автомобиль юлы, Чакмагыш-Бүздәк-Дәүләкән автомобиль юлы уза. Авылның эчке юллар системасы озынлыгы – 64 км, шул исәптән 44 км – асфальт-бетон юллар.

Тарихи мәгълүмат

Бөгелмә-Чишмә тимер юл тармагы төзелгәнчегә (1910-1912 еллар) бу урында Табанлыкүл исемле мишәр авылы була. Алдан планлаштырганча тимер юл төньяграк, Бүздәк авылы аша, ягъни хәзерге Иске Бүздәк аша узарга тиеш булган. Ләкин 3нче Дәүләт Думасының бер төркем депутатлары, беренче чиратта Гайсә Еникеев, сызымнарны үзгәртүгә ирешә. Нәтиҗәдә юл 4 км көньяграк уза, Табанлыкүлнең кипкән күле төбеннән, ары таба Еникеевларның авылы Каргалы яныннан.

Табанлыкүл урынында барлыкка килгән станция соңрак Бүздәк исеме алган, элекке Бүздәк авылы Иске Бүздәк итеп калган.

1917 елда Табанлыкүлдә 325 рус, 149 мишәр, 22 белорус, 21 типтәр, 9 украин, 1 чуаш яши.

1930 елдан – Бүздәк районы үзәге.

Демография

Халык саны

1939	1959	1970	1979	1989	2002	2010
3475	↗4353	↗5902	↗7592	↗8707	↗9733	↗10 323

2002 елда 64% халык татарлар итеп яздырылган, «башкорт» – 28%.

Социаль тармак

Ике урта мәктәп, үзәк район хастаханәсе, өч балалар бакчасы, тимер юл һәм автомобиль вокзаллар.

Җитештерү тармагы

"Пищепром" Бүздәк консервлау комбинаты ЯАҖ, "Бүздәкагро"ҖЧҖ, "МаксиПроф"ҖЧҖ, ҖЧҖ "УралГазОйл (авл хуҗалыгы техникасын ремонтлау).

Шәхесләр

• Әхтәм Кинҗәкәев (1922-2017), геолог.

Чыганаклар

• Рәсми сайт (рус.)

Сылтамалар

• Совет муниципальных образований Республики Башкортостан (рус.)