Рамин Нафыйков
| Рамин Нафыйков | |
|---|---|
 | |
| Туган телдә исем | Рамин Хәнәфи улы Нәфыйков |
| Туган | 3 декабрь 1967 (56 яшь) СССР, РСФСР, ТАССР, Казан |
| Милләт | татар |
| Ватандашлыгы | Русия |
| Һөнәре | рәссам |
Рамин Хәнәфи улы Нәфыйков (3 декабрь 1967 ел, СССР, ТАССР, Казан) - рәссам, Россия Рәссамнар берлеге әгъзасы.
Биографиясе[үзгәртү | вики-текстны үзгәртү]
Рамин Нәфыйков 1967 елның 3 декабрендә Казан шәһәрендә туа. Нәселле рәссам (аның әтисе – Татарстан Республикасының атказанган сәнгать эшлеклесе Хәнәфи Нәфыйков), Татарстанның заманча сәнгать тормышының якты вәкиле.
Казан сәнгать училищесын тәмамлап (1983-1987), армиядә хезмәт иткәннән соң, Латвия сәнгать академиясенә укырга китә, анда профессор Индулин Зариньш җитәкчелегендә монументаль рәсем факультетында укый (1991-1997).
2000 елдан Латвия Рәссамнар берлеге әгъзасы. 2001 елдан Россия Рәссамнар берлеге әгъзасы.
Казанда яши һәм эшли.
Иҗаты[үзгәртү | вики-текстны үзгәртү]
Беренче шәхси күргәзмә 1998 елда Татарстан Республикасы Рәссамнар берлегенең күргәзмәләр залында (Казан) уза. 2020 елга Нәфыйковның Казан, Рига, Мәскәү, Санкт-Петербург, Вена галереяләрендә 20дән артык күргәзмәсе уза. 2010 елда «Рамин Нәфыйков» күргәзмәсе Татарстан Республикасы Дәүләт сынлы сәнгать музеенда (Казан) уза, ә 2018 елда аның «Внутренняя Булгария» күргәзмәсе Эрартның хәзерге заман сәнгате музеенда (Санкт-Петербург) узган.
Эшләре М. В. Нестеров исемендәге Башкорт дәүләт сәнгать музее җыелышларына (Өфе), Татарстан Республикасы Дәүләт сынлы сәнгать музее (Казан), KollerArtHaus абстракт рәсем сәнгате йорты (Мәскәү), Эрантның заманча сәнгать музее (Санкт-Петербург) керә.
