Солтан Кабус мәчете

Солтан Кабус мәчете
	Мәчет
	Солтан Кабус мәчете; гарәп. جامع السلطان قابوس الكبير‎
Ил	Оман
Шәһәр	Маскат
Дин	Ислам
Бина төре	мәчет
Төзелеш еллары	1995—2001 еллар
Халәте	гамәлдә

Солтан Кабус мәчете (гарәп. جامع السلطان قابوس الكبير‎) — Оман башкаласы Маскат шәһәрендә урнашкан җәмигъ мәчете, шәһәрнең төп мәчете.

Тарих

Оман дәүләтендәге иң зур мәчетне Оман солтаны (1970—2020) Кабус бин Сәет(ингл.)татар. 1992 елда башлап җибәрә. 1993 елда мәчет проектына конкурс игълан ителә. 1995 елда төзелеш башлана. 2001 елда, 6 ел 4 айдан соң, төзелеш эшләре тәмамлана. Архитектор — Кариллион Әләви (Carillion Alawi).

Архитектурасы

Гомуми мәйданы — 416 000 квадрат метр. Төп гөмбәзенең биеклеге ~50 метр, төп манарасының биеклеге ~90 метр, ян-яктагы дүрт манараның биеклеге 45,5 метр.

Мәчетнең төп намаз уку бүлмәсе 6 500 ир-атны, 750 хатын-кызны сыйдыра ала. Ишегалдында 8 мең кеше намаз укый ала.

Төп залда 35 люстра эленгән. 14 метр диаметрлы иң зурысы Австриядә эшләнгән. Идәнгә җәелгән 70 х 60 м фарсы келәменең авырлыгы 21 тонна.

Мөселман булмаганнарга, җомга көннән башка көннәрдә, иртән 8.30—11.00 сәгатьләр арасында бинага керегә рөхсәт ителә.

Сылтамалар

Sultan Qaboos Grand Mosque 2017 елның 23 февраль көнендә архивланган(ингл.)
Sultan Qaboos Grand Mosque 2020 елның 4 февраль көнендә архивланган(ингл.)

Моны да карагыз

Оманда ислам

Искәрмәләр