Трихиаз

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Трихиаз latin yazuında])
Навигациягә күчү Эзләүгә күчү
Трихиаз
Entropion and trichiasis secondary to trachoma A44-652-11.jpg
МКБ-10 H02.002.0 (ILDS H02.010)
МКБ-9 Калып:ICD9
DiseasesDB 31305 31305
eMedicine oph/609  oph/609 

Трихиаз (trichiasis; гр. trichos чәч + iasis патологик процесс) — керфекләрнең дөрес үсмәве (күз алмасына карап үсүе).

Таралган булдырылган чир, ул аерым чир буларак яки кабак кырыеның җөйләүле үзгәрешләре хроник блефарит, herpes zoster ophthalmicus кебек чирләр нәтиҗәсендә икенчел барлыкка килә ала. Трихиазны псевдотрихиаздан аерырга кирәк, ул кабак бөгелгәндә барлыкка килә һәм тотрыксыз була ала; чын трихиазның ялгыш диагнозы дөрес булмаган дәвалау тактикасына китерә.

Билгеләре[үзгәртү | вики-текстны үзгәртү]

Трихиазда керфекләр урнашуы дөрес, ләкин аларның үсү юнәлеше — дөрес түгел. Мөгезкатлау эпителие яралану нәтиҗәсендә нокталы эрозияләр һәм йомганда арта торган күзнең ярсытуына китерә. Озак авыр барышта мөгезкатлау җәрәхәте һәм паннус барлыкка килә ала.

Дәвалау[үзгәртү | вики-текстны үзгәртү]

1. Эскәк белән керфекләр эпиляциясе дәвалауның гади һәм нәтиҗәле ысулы булып тора, әмма аны һәр 4-6 атна кабатларга кирәк.
2. Электролизисны аерым дөрес үсмәгән керфекләрдә кулланалар, ләкин канәгатьләндерерлек нәтиҗәгә җитү өчен бу ялыктыргыч процедураны күп тапкыр үткәрергә кирәк. Электрокаутер инәсен чәч букчасына юнәлтеп, йогынтыны өслегендә коагуляцияләнгән тукыма куыклары барлыкка килгәнче дәвам итәләр. Керфекне алып аталар. Кабат процедура 40% очракта кирәк була һәм җөйләнүгә китерә ала.
3. Криотерапия күп санлы керфекләр эпиляциясендә бик нәтиҗәле була. Махсус ике тапкыр "туңдыру-эретү" циклын -20°С кулланалар. Мөмкин өзлегүләрдән тире некрозы, кара тәнле пациентларда депигментация, мейбомий бизләре зарарлану билгелиләр, бу прекорнеаль яшь пәрдәсенә тискәре чагыла ала һәм кабак кырые төзелеше үзгәрүенә китерә ала.
4. Аргонлазерлы абляция аерым урнашкан берничә керфекләрне бетергәндә файдалы. Процедураны түбәндәгечә башкаралар:
а) башлангыч йогынтыны 50 мкм, 0,2 сек һәм 1000 мВт рәвешендә үткәрәләр;
б) керфек тамырына лазерлы коагуляцияне кечкенә авыз ясап башкаралар;
в) тап зурлыгын 200 мкм кадәр зурайталар һәм авызны фолликул яткан урынына кадәр тирәнәйтәләр;
г) күпчелек пациентларга 1-2 сеанс үткәрергә кирәк.
5. Хирургик дәвалау тулы чөйсыман резекция итеп яки якын торган керфекләр кечкенә урында урнашканда алгы пластинканы алып ату һәм башка дәвалау ысуллары нәтиҗәсез булмаганда кулланыла.

Чыганаклар[үзгәртү | вики-текстны үзгәртү]

Джек Кански - "Клиник офтальмология: системалаштырылган караш", 2009 ел