Тукай (Авыргазы районы)

Тукай

География
Ил	Россия
Координатлар	54°12'52"тн, 55°49'18"кнч
Почта индексы	453489

Тукай — Башкортстанның Авыргазы районындагы татар авылы. 2010 ел җанисәбен алу буенча биредә 547 кешенең яшәве мәгълүм.

Сыйфатлама

Тукай авылы Авыргазы районының төньяк чигендә, район үзәгеннән 25 чакрым ераклыкта урнашкан. Кырмыскалылар белән күрше алар, ә Башкортстан башкаласы Уфадан 60 чакрым гына арада яшиләр. Авыл турындагы мәгълүматлар документларда тәү тапкыр 1728 ел белән искә алына. Авылның исеме Токай дигән кеше исеменнән килеп чыккан, дип исәпләнелә. Авылда күпчелек халык — татарлар, берничә гаилә руслар, башкортлар, чирмешләр, украиннар һ.б. яши.

Тукай авыл Советына тугыз авыл — Тукай, Болотино, Төбәк, Андреевка, Абдрахман, Әхмәт, Чишмә, Волково һәм Макар авыллары керә. Анда барлыгы 1600 кеше яши. Тукайда урта мәктәп, Андреевкада тугыз сыйныфлык, ә Төбәк авылында башлангыч мәктәп эшләп килә.

XIX гасырның беренче яртысында авылдан бер төркем халык Ырынбур якларына юл тота һәм хәзерге Александровский районында Тукай авылы булып урнаша.

Танылган кешеләр

Тукай авылын бар дөньяга таныткан, чал тарих битләрендә мәңгелек якты эз калдырган һәм калдырачак якташлары — Чанышев Якуп Җиһангир улы, Канзафаров Фәхрислам Фәхретдин улы, Рәҗәпова Мәрьям Мирсәет кызы, Диваев Рафаэль Үзбәк улы, Диваев Рәшит Мансур улы һ.б. киләчәк буын яшьләргә батырлык һәм булдыклылык үрнәге булып тора, рухи тәрбия бирә, аларда мондый шәхесләр үстергән туган җирләренә мәхәббәт тәрбияли.

Демография

Халык саны динамикасы:

2002	2009	2010
547	492	547

Чыганак

• http://omet-ufa.ru/aul2.html(үле сылтама)

Сылтамалар

• Башкортостан Республикасының муниципаль берәмлекләр советы.