Түбән Новгород дәүләт лингвистика университеты

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Түбән Новгород дәүләт лингвистика университеты latin yazuında])
Түбән Новгород дәүләт лингвистика университеты
Халыкара исемнәр
 Nizhny Novgorod Dobrolyubov State Linguistic University
Элеккеге исемнәр
 Горький чит телләр педагогика институты
Н.А. Добролюбов исемендәге Түбән Новгород дәүләт чит телләр педагогика институты
Эшләү еллары 1937
Президент Жигалев Борис Андрей улы
Ректор Никонова Жанна Виктор кызы
Адрес Россия, Түбән Новгород, Минин ур., 31а
Тел рус теле
Сайт lunn.ru

Н.А. Добролюбов исемендәге Түбән Новгород дәүләт лингвистика университеты (рус. Нижегородский государственный лингвистический университет имени Н. А. Добролюбова) — Түбән Новгород шәһәрендә урнашкан югары уку йорты. 1937 елда Горький чит телләр педагогика институты буларак нигез салынган. Үз тарихын 1917 елдан башлап алып бара, ул чакта Түбән Новгород халык мәгариф бүлегендә ГубОНО чит телләр һәм әдәбиятлар губерна югары курслары оештырыла[1].

Студентларның һәм шәһәрдә яшәүчеләрнең көндәлек тормышында университет «иняз» дип атала.

Тарих[үзгәртү | вики-текстны үзгәртү]

1917 елда Түбән Новгородның Губерна халык мәгарифе бүлегендә югары губерна чит телләр курслары оештырыла. 1937 елда курслар базасында Горький чит телләр педагогика институтына нигез салына. Институтның беренче биналары (хәзерге 1 һәм 2 корпуслар) 1948 елда Старосенная мәйданында (1844), җимерелгән Троицк Верхнепосадск чиркәве урынында төзелгән. Әлеге ике корпус төзелгәнче институт Чернопруд тыкрыгында урнашкан элеккеге 3 нче хатын-кызлар гимназиясе бинасында урнашкан була (хәзерге вакытта Жуковский исемендәге китапханә). Хәзерге вакытта университет корпуслары (барлыгы 4 корпус) элеккеге Старосенная мәйданының барлык киңлеген һәм җир астындагы урынын биләп ала.

Башта институт инглиз, алман, француз һәм испан телләре укытучыларын урта мәктәпләр өчен әзерләгән һәм анда өч факультет булган: инглиз, алман һәм роман телләре. Шулай ук читтән торып уку бүлегендә тел белгечләрен әзерләү алып барылган.

1964 елда Көнбатыш Европа телләренең тәрҗемәчелек факультеты оештырыла.

1990 елларда күп кенә яңа факультетлар һәм кафедралар булдырыла, 1994 институтка лингвистика университеты статусы бирелә.

Структурасы[үзгәртү | вики-текстны үзгәртү]

Факультетлар[үзгәртү | вики-текстны үзгәртү]

  • Инглиз теле факультеты
  • Роман-алман телләре факультеты
  • Тәрҗемә факультеты
  • Халыкара мөнәсәбәтләр, икътисад һәм идарә факультеты
  • Белгечләргә өстәмә профессиональ белем факультеты

Кафедралар[үзгәртү | вики-текстны үзгәртү]

  • Инглиз теле кафедрасы
  • Инглиз филологиясе кафедрасы
  • Инглиз теле һәм профессиональ элемтә кафедрасы
  • Алман теле теориясе һәм практикасы кафедрасы
  • Француз теле теориясе һәм практикасы кафедрасы
  • Тәрҗемә факультетының инглиз теле кафедрасы
  • Инглиз теле һәм тәрҗемә теориясе һәм практикасы кафедрасы
  • Алман теле һәм тәрҗемә теориясе һәм практикасы кафедрасы
  • Француз теле һәм тәрҗемә теориясе һәм практикасы кафедрасы
  • Халыкара мөнәсәбәтләр һәм политология кафедрасы
  • Икътисад, идарә һәм информатика кафедрасы
  • Валеология кафедрасы
  • Көнчыгыш һәм Европа телләре кафедрасы
  • Тарих, төбәк белеме һәм журналистика кафедрасы
  • Чит телләрне укыту методикасы, педагогика һәм психология кафедрасы
  • Туган һәм чит тел буларак рус телен укыту кафедрасы
  • Рус филологиясе, чит ил әдәбияты һәм мәдәниятара коммуникацияләр кафедрасы
  • Фәлсәфә, социология һәм социаль коммуникацияләр теориясе кафедрасы

Халыкара хезмәттәшлек[үзгәртү | вики-текстны үзгәртү]

Түбән Новгород дәүләт лингвистика университеты дөньякүләм белем бирү киңлегенә керү буенча интенсив эш алып бара. Н.А. Добролюбов исемендәге Түбән Новгород дәүләт лингвистика университеты түбәндәге уку йортлары белән хезмәттәшлек итә[2]:

Шулай ук карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. ↑ История ВУЗа | Нижегородский государственный лингвистический университет имени Н.А. Добролюбова. www.lunn.ru.
  2. ↑ Международные связи. www.lunn.ru.

Сылтамалар[үзгәртү | вики-текстны үзгәртү]

Чыганак — https://tt.wikipedia.org/w/index.php?title=Түбән_Новгород_дәүләт_лингвистика_университеты&oldid=2864417