Әкрам Вәлиев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Әкрам Вәлиев latin yazuında])
Навигациягә күчү Эзләүгә күчү
Әкрам Вәлиев - Советлар Берлеге каһарманы
Akram Valiev.JPG Документлар буенча: Акрам Искандарович Валиев
Туу датасы: 17 апрель 1924(19240417)
Туу урыны: Илбәк, Азнакай районы, Татарстан, Русия
Үлем датасы: 10 август 1975
Үлем урыны: Илбәк, Азнакай районы, Татарстан, Русия
Милләте: татар
Армиясе: Совет Армиясе
Армиядәге вакыты: 1941 – 1946
Дәрәҗә: югары сержант (1944), лейтенант (1946)
Армия бүлеге: 341 нче полк < 119 нче дивизия < 10 нче армия < 2 нче Балтик фронт
Катнашкан сугышлар: Бөек Ватан сугышы
Бүләкләре: Совет Берлеге Каһарманы (1945)

Ленин ордены Кызыл Йолдыз ордены


Тәрҗемәи хәле[үзгәртү | вики-текстны үзгәртү]

Вәлиев Әкрам Искәндәр улы 1924 елның 18 апрелендә Илбәк авылында туа. 1934-1935 елларда Уфа балалар йортында тәрбияләнә. 7 сыйныфны тәмамлый, аннары Себергә күчеп китә.

1941 елда Кызыл Армиягә алынганчы Бүрәт-Монгол АССР приискында клуб мөдире булып эшли. 1942 елның мартыннан Бөек Ватан сугышы фронтларында, 341 нче укчы полкта бүлекчә командиры (10-нчы гвардияче армиянең 119-нчы гвардияче укчы дивизиясе). Көнбатыш, 2 нче Балтыйк буе һәм Ленинград фронтлары гаскәрләре тәркибендә Смоленск операциясендә (1943), Ленинград блокадасын өзүдә, Балтыйк буен азат итүдә катнаша. 1944 елның 4 августында Айвиексте елгасын (Латвия ССР) кичкәндә батырлык күрсәтә. 1946 елдан туган авылында колхозда эшли.

Ленин, Кызыл Йолдыз орденнары, мидәлләр белән бүләкләнә.

Хәтер[үзгәртү | вики-текстны үзгәртү]

Туган авылында һәм Азнакай шәһәренең Геройлар Аллеясында аның бюстлары куелган. Туган авылында да, Азнакай шәһәрендә дә аның хөрмәтенә аталган урамнар бар[1]. 2014 елда Илбәктәге һәйкәл тулысынча район, авыл җитәкчелеге ярдәме белән яңартыла[2]. Шулай уҡ Улан-Удэның Җиңү проспектында Бөек Ватан сугышы елларында һәлак булган Бурятия сугышчылары истәлегенә куелган Мемориалда Әкрам Искәндәр улы Вәлиев портреты урын алачак[3]

Әдәбият[үзгәртү | вики-текстны үзгәртү]

  • Ханин Л. Герои Советского Союза - сыны Татарии. Казань, 1963;
  • Герои Советского Союза - наши земляки. Казань, 1982. Кн. 1.

Сылтамалар[үзгәртү | вики-текстны үзгәртү]

  • Өземтә китерү хатасы: Неверный тег <ref>; для сносок ВАЛЕЕВ АКРАМ ИСКАНДЕРОВИЧ (1924-1975) ГЕРОЙ СОВЕТСКОГО СОЮЗА не указан текст
  • В селе Ильбяково прошел вечер, посвященный герою Советского Союза Акраму Валиеву
  • МЕМОРИАЛ ВОИНАМ БУРЯТИИ