Рәшит Шамкай

Рәшит Шамкай
Туган телдә исем	Рәшит Мирза улы Шамкаев
Туган	26 май 1940(1940-05-26) Куйбышев өлкәсе Камышлы районы Иске Ярмәк
Үлгән	22 август 2021(2021-08-22) (81 яшь) Казан
Яшәгән урын	Маршал Чуйков урамы, Казан
Милләт	татар
Ватандашлыгы	СССР  Россия
Һөнәре	театр артисты
Бүләк һәм премияләре	ТАССРның халык артисты

Рәшит Шамкай, шулай ук Шамкай (тулы исеме Рәшит Мирза улы Шамкаев) — Галиәсгар Камал исемендәге Татар дәүләт академия театры артисты.

Тормыш юлы

Рәшит Шамкаев 1940 елның 26 маенда Куйбышев өлкәсе (хәзерге Самар өлкәсе) Камышлы районы Иске Ярмәк авылында туа. Халыкка күбрәк Рәшит Шамкай яки гади Шамкай исеме белән. 1966 елда Казан театр училищесын тәмамлый. 1967—1968 елларда Минзәлә театрында, 1968 елның көзеннән — Галиәсгар Камал исемендәге Татар дәүләт академия театрында эшли. Тышкы кыяфәте белән үк комик жанр артисты. Үтә кызык характерлы, комедиячел типларны гәүдәләндерә.

Рольләре

• Проня — «Баһадирлар» (Н. Погодин)
• Тишка — «Агай эне ак мыек» (А. Островский)
• Таһир — «Әнә килә автомобиль» (Ф. Яруллин)
• Ясәви — «Ташкыннар» (Т. Гыйззәт)
• Савелий — «Солдат хатыны» (Н. Анкилов)
• Нигъмәтҗан — «Синең урыныңа кайттым» (Р. Хәмид)
• Пеләш — «Әшнәләр» (В. Шукшин)
• Труффальдино — «Болан-Патша» (К. Гонци)
• Анчугин — «Булмас димә, дөнья бу» (А. Вампилов)
• Гыйльметдин — «Ат карагы» (Т. Миңнуллин)
• Дәрвиш — «Хуҗа Насретдин» (Н. Исәнбәт)
• Мөбарәк — «Казан егетләре», «Тагын Казан егетләре» (М. Гыйләҗев)
• 2-нче кунак — «Кишер басуы» (З. Хәким) һ. б.

Сылтамалар

• Галиәсгар Камал исемендәге татар дәүләт драма театры рәсми сайты
• Артист Рәшит Шамкай вафат. Азатлык радиосы, 22 август 2021

Чыганаклар

• Илялова И. И. Галиәсгар Камал театры артистлары. Биографик белешмәлек. Тулыландырылган икенче басма. Татарстан китап нәшрияте, Казан, 2005 ел.