Айгөл Миңнуллина
| Айгөл Миңнуллина | |
 | |
| Туганда бирелгән исеме: |
Миңнуллина Айгөл Альберт кызы |
|---|---|
| Туу датасы: | |
| Туу җире: | |
| Һөнәре: |
драма актрисасы |
| Гражданлыгы: | |
| Активлык еллары: |
2009 — х. в. |
Айгөл Миңнуллина, Миңнуллина Айгөл Альберт кызы (рус. Миннулина Айгуль, 1987 елның 7 мае, СССР, РСФСР, ТАССР, Казан) — драма актрисасы, Камал театры артисты (2009 елдан).[1]
Тәрҗемәи хәле[үзгәртү | вики-текстны үзгәртү]
1987 елның 7 маенда Татарстанның Казан шәһәрендә туа. Әтисе Альберт - Туфан Миңнуллинның бертуган энесе; әнисе Зөлфия исемле. Кечкенә чакта Химиклар мәдәният сарае каршындагы «Салават күпере» ансамбленә дүрт ел йөри. Мәктәптә укыганда Айгөл телевидениедә баручы «Әлли-бәлли-бәү» тапшыруында катнаша, берничә зур булмаган спектакльләрдә уйный. 2005 елда, мәктәпне тәмамлагач, Айгөл театр училищесына яки сәнгать институтына керегә хыяллана, әмма "булдыра алмам" дип, бөтенләй икенче һөнәрне сайлый һәм Казан дәүләт химик-технологик институтына укырга керә. Анда бер ел тирәсе укыгач, дизайнерлар әзерли торган факультетка күчәргә әзерләнә башлый, әмма ахыр чиктә театр юлын сайларга була.[2][3]
«Беренче курста укыганда ук, төркемдәшләрем миңа: «Син үзенчәлекле киенәсең, һичшиксез, иҗат кешесе булырга тиешсең! Бар, әнә, һичьюгы дизайнер факультетына кер, монда әрәм булып йөрмә» — Айгөл.[2]
2006 елда мәдәният-сәнгать университетының актерлык бүлегенә укырга керә, аны 2009 елда тәмамлый һәм Галиәсгар Камал исемендәге Татар дәүләт Академия театрында эшли башлый.
Театр[үзгәртү | вики-текстны үзгәртү]
Галиәсгар Камал исемендәге Татар дәүләт академия театрында эшли башлау белән тамашачы Айгөл Миңнуллинаны тәүге тапкыр «Искән җилләр көендә» (З.Хәким) спектаклендә Фәнисә ролендә күрә. Спектакль барышында Айгөл Фәнисәнең үзе кебек иде, тамашачылар бервакыт кемнең кем икәнен онытып та җибәрәләр.
«Фәнисәне мин үзем дә бик яраттым, бу рольдә эреп югалдым дисәң дә була. Хыялланып, дәртләнеп, ихластан көлеп, эчкерсез борчылулар белән уйнадым. Әмма бу вакытта мин үзем дә шушы кыз кебек самими яшьлектә идем әле. Тора-бара тормышка караш җитдиләнде, ролемә карата мөнәсәбәт тә үзгәрде. Фәнисәнең хис-кичерешләре кызык булмый башладымы, спектакль вакытында мин артыгын кылана, көлә башладыммы, руслар әйтмешли «переигрывать» иттем. Соңгы куелышларында гына үземне теләгәнчә уйнап чыктым кебек, талант, хис, тәҗрибәне тигезләп», — Айгөл.[2]
«Хафалы биюләр»дә (С.Юзеев) инде тамашачы Айгөлне биюче ролендә күрә. Монда ул сәхнә партнёры Алмаз Гәрәев белән һавада куркыныч акробатик хәрәкәтләре белән халыкны гаҗәпләндерә.[4]
Еллар үткән саен, Айгөл үзен яңа рольләрдә сыный, яңа рольләрдә ачыла. Мәсәлән, Илгиз Зәйниевнең «Мәхәббәт FM» спектаклендәге Энҗе герое, «Сишәмбе көн кич белән» лаборатория проекты кысаларында куелган «Ишекләр» (Э.Гыйззәтова) спектаклендә аутист баланы тәрбияләүче ана роле.[2]
Репертуар[үзгәртү | вики-текстны үзгәртү]
- «Мәхәббәт FM» Илгиз Зәйниев — Энҗе
- «Галиябану» Мирхәйдәр Фәйзи — Сәгыйдә
- «Хафалы биюләр» Салават Юзеев — Биюче кыз
- «Сагынарсызмы» Артур Шәйдулла — Гөлназ
- «Сишәмбе көне кич белән...» Сөмбел Гаффарова, Энҗе Гыйззатова, Гүзәл Сәгыйтова — Ана
- «Искән җилләр көенә» Зөлфәт Хәким — Фәнисә
- «Зәңгәр шәл» Кәрим Тинчурин — Фатыйма
- «Йөзек кашы» Фатих Хөсни (Илгиз Зәйниев инсценировкасы) — Кыз
- «Килә ява, килә ява...» Зөлфәт Хәким — Саҗидә
- «Яшь йөрәкләр» Фәтхи Бурнаш — Кыз
- «Кыю кызлар» Таҗи Гыйззәт — Мәгъсумә һ.б. [5]
Гаилә хәле[үзгәртү | вики-текстны үзгәртү]
Ире — шулай ук драма актеры, Камал театры артисты; Татарстанның атказанган (2004), халык (2015) артисты; «Тантана» премиясе (2014, 2018, 2019), Тукай премиясе (2019) лауреаты - Искәндәр Хәйруллин (1974). Айгөл - күренекле артистлар Алсу Гайнуллина белән Илдар Хәйруллиннар гаиләсенең килене.
Айгөл Искәндәрне беренче тапкыр бишенче сыйныфта укыганда, әти-әнисе белән Туфан Миңнуллинның «Гөргөри кияүләре» спектаклен карарга барганда күреп ала һәм шунда ук аның Искәндәргә күзе төшә. Соңыннан, берәр елдан соң «Әни килде» спектаклендә тагын күрә. Спектакль тәмамлангач, Айгөл әти-әнисе белән Туфанны көтеп торганда, Искәндәр аларның яннан тиз генә узып китә. Шулчак Айгөл «их, шушы егет ирем булса иде» дип уйлап куя һәм аның хыялы чынлап та чыңга аша. 2010 елда Айгөл белән Искәндәрнең Аяз исемле уллары туа, соңрак икенче мәртәбә ата-ана булалар: аларның Зәйнәп исемле кызлары туа.
Бүләкләре, мактаулы исемнәре[үзгәртү | вики-текстны үзгәртү]
- 2015 — Татарстан Республикасы Мәдәният министрлыгының Мактау грамотасы[1]
Шулай ук карагыз[үзгәртү | вики-текстны үзгәртү]
- Камал театры
- Алинә Мөдәрисова
- Айгөл Шәкүрова
- Искәндәр Хәйруллин
- Гүзәл Шакирова
- Наилә Ибраһимова
- Рәйхан Габдуллина
Сылтамалар[үзгәртү | вики-текстны үзгәртү]
- Айгуль Миннуллина - ВКонтакте
- Камалда дүрт артистлы “Хафалы биюләр” күрсәтеләчәк - YouTube
- Миңнуллина Айгөл Альберт кызы
- Мин үземне белеп бетермим - Айгөл Миңнуллина 2022 елның 28 февраль көнендә архивланган.
Чыганаклар[үзгәртү | вики-текстны үзгәртү]
- Камал театры сайты
- СӘХНӘ мәдәният һәм сәнгать тормышы: Әдилә Борһанова, 15 гыйнвар 2021 - Айгөл Миңнуллина белән әңгәмә
- Шәһри казан : 18 гыйнвар 2016 - Айгөл Миңнуллина
Искәрмәләр[үзгәртү | вики-текстны үзгәртү]
- ↑ 1,0 1,1 https://kamalteatr.ru/about-the-theatre/personalities/troupe/mi-1187-nullina-ayg-1257-l-albert-kyzy/
- ↑ 2,0 2,1 2,2 2,3 Мин үземне белеп бетермим
- ↑ Айгөл Миңнуллина Искәндәр Хәйруллинны күргәч: «Их, шушы егет ирем булса иде» дигән
- ↑ Камалда дүрт артистлы “Хафалы биюләр” күрсәтеләчәк - YouTube
- ↑ Айгуль Миннуллина (Айгуль Хайруллина) - актриса - биография - российские актрисы театра - Кино-Театр.Ру
