Мәгъсүм Насыйбуллин

Wikipedia — ирекле энциклопедия проектыннан
Моңа күчү: навигация, эзләү
Мәгъсүм Насыйбуллин
Тулы исеме Мәгъсүм Нәҗип улы Насыйбуллин
Һөнәре язучы
Туу датасы 15 октябрь 1925(1925-10-15) (89 яшь)
Туу җире Байлангар, Кукмара районы, Татарстан

Мәгъсүм Нәҗип улы Насыйбуллинтатар язучысы.

Биография[үзгәртү]

Үзенең детектив әсәрләре белән киң катлау укучыларга танылган язучы Мәгъсүм Насыйбуллин 1925 елның 15 октябрендә Татарстанның Кукмара районы Байлангар авылында туа. Җидееллык мәктәпне тәмамлагач, башта МТСта эшли, аннары башлангыч мәктәптә укыта. 1943 елның сентябрендә ул Кызыл Армия сафларына алына, хәрби аэродромда хезмәт итә. Аннары, алты айлык хәзерлектән соң, фронтка җибәрелә, Көнчыгыш Пруссиядә барган сугышларда катнаша.

Сугыштан соң Мәгъсүм Насыйбуллин, юрист һөнәрен алып, башта Свердловск өлкәсендә, аннары Казакстан һәм Башкортстанда, ә 19701981 елларда Татарстан Республика прокуратурасында хезмәт итә.

Иҗаты[үзгәртү]

Үз иҗатын ул очерклар язудан башлап җибәрә, соңга таба әдәбиятның проза жанрына килә. Аның 1968 елда русча "Конец опасной тропы" дигән беренче китабы, ә 1970 елда Башкортстан китап нәшриятында "Юрист язмалары" исемле икенче китабы дөнья күрә. Аннан соң язучының бер-бер артлы "Без капчыкта ятмый", "Телсез шаһитлар", "Төнге ату", "Алтын алка", "Яшерен касса", "Йөрәк таш түгел", "Кайтаваз", "Капкын", "Тукран тәүбәсе" һ.б. исемле китаплары басылып чыкты.

Мәгъсүм Насыйбуллин 1979 елдан СССР язучылар берлеге әгъзасы.

Сылтамалар[үзгәртү]