«Азатлык» Татар яшьләре берлеге

«Азатлык» Татар яшьләре берлеге
Нигезләүче	Тәлгать Әхмәдишин
Җитәкче	Наил Нәбиуллин (1989)
Рәсми тел	татар теле

«Азатлык» Татар яшьләре берлеге - татар милли хәрәкәт оешмасы.

Оешу тарихы

Оешманың булачак активы әле 1988-89 елларда ук, Татар иҗтимагый үзәгенең яшьләр бүлеге кысаларында берләшә башлый. 1990 елның 17-28 июнь көннәрендә беренче Татар яшьләре көннәре уза, шунда 400 делегат катнаша. Шунда катнашучыларда яшьләрдән милли сәяси оешма төзү турында фикерләр туа. 1990 елның 13-15 октябрендә Казанда оешманың беренче Корылтаен уза. Корылтайга килгән делегатлар Казанда Хәтер көнендә катнашалар. Оешма белән төрле елларда Ирек Гариф, Тәлгать Әхмәдишин, Рамай Юлдашев, Наил Нәбиуллин җитәкчелек итәләр. Оешманың Татарстанның һәм Башкортстанның төрле шәһәрләре һәм районнарында бүлекчекләре бар иде.

Җитәкчеләр

• Ирек Гариф - берлекнең беренче рәисе.
• Тәлгать Әхмәдишин - 1992-2005 елларда җитәкчелек итә.
• Рамай Юлдашев - 1993-1998 елларда оешманың Казан бүлеген җитәкли.
• Дамир Шәйхетдин - 2005-2007 елларда җитәкли.
• Наил Нәбиуллин - 2010 елдан җитәкли.

Максатлар

• татар яшьләрендә милли узаңны үстерү, ныгыту;
• татар телен, мәдәниятен һәм татарча яшәү рәвешен пропагандалау;
• яшьләрдә татар китапларына, матбугатына кызыксыну уяту;
• татарның чын тарихы белән кызыксыну уяту;
• татарның бүгенге хәлен аңлату, милләт-тел проблемаларын ачык итеп күрсәтү, алар хакында фикер алышу;
• милләт-тел проблемаларына битараф булмауга, актив гражданлык позициясенә өндәү;
• милләткә битараф булмаган, милли уйлар белән янып йөргән яшьләрне таныштыру, берләштерү.
• татарда ислам динен торгызу һәм күтәрү, ислам дине хакында объектив мәгълүмат тарату, ислам диненә тугърылыгыбызны ныгыту;.

Моны да карагыз

• «Үзебез» яңа буын хәрәкәте

Сылтамалар

• "Азатлык" берлегенә 30 ел: сәяси максатлардан мәдәни һәм милли аңны үстерүгә күчү. Азатлык радиосы, 13 октябрь 2020