Виктор Ухарский

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Виктор Ухарский latin yazuında])
Навигациягә күчү Эзләүгә күчү
Виктор Ухарский
Туган 1931
Чәкән, Вахитовское сельское поселение[d], Азнакай районы, Татарстан АССР, РСФСР, СССР
Үлгән 9 февраль 2016(2016-02-09)
Октябрьски, Башкортстан, Россия
Ватандашлыгы Flag of the Soviet Union.svg СССР
Flag of Russia.svg Россия
Һөнәре спортчы

Ухарский Виктор Александрович (1931, Чәкән авылы, Ютазы районы, Татарстан АССРы, РСФСР9 февраль, 2016, Октябрьский, Башкортстан, Русия Федерациясе) — совет спортчы-көрәшчесе, тренер. ССРБ-ның спорт мастеры, Октябрьский шәһәрендә грек-рим көрәше буенча клубка нигез салучы.

Биографиясе[үзгәртү | вики-текстны үзгәртү]

Ухарский Виктор Александрович Татарстан АССР-ының Ютазы районы Чәкән (бүгенге Татарстанның Азнакай районы Чәкән авылы) авылында туган. Шунда ук мәктәптә җиде сыйныф тәмамлаган. Ул Бөек Ватан сугышы елларында колхозда эшли, ә сугыш тәмамлангач БАССР-ның Октябрьский каласына күчеп килә.

1951 елдан армиядә, Украина ССР-ның Кривой Рог шәһәрендә урынлаштырылган 100-нче һава-десант дивизиясендә хезмәт итә. Армиядә спорт белән шөгыльләнә, частьнең, шәһәрнең, өлкәнең беренчелегендә җиңүче була.

1955 елда Уфага күчеп килә. Биредә БАССР-ның классик көрәш буенча чемпионатында чемпион була.

Башкортстанның баш шәһәрендә яшәргә калып, Ухарский «Энергия» спорт җәмгыятенең тренеры була, «Энергия» ирекле спорт җәмгыяте командасын ил чемпионатына әзерли, үзе классик көрәш белән шөгыльләнә.

1955 ел дәвамында ССРБ спорт мастерларын 10 тапкыр җиңә ала, спорт мастеры исемен алу өчен Бердәм Бөтенроссия спорт классификациясе (ЕВСК) таләпларын үти.

1956 елда БАССР-ның физик культура һәм спорт буенча Дәүләт комитеты соравы буенча Октябрьский каласына китеп, классик һәм ирекле көрәш буенча тренер булып эшли. Ухарский тренер булып эшләгән елларында якынча 70 ССРБ һәм Россия спорт мастерын тәрбияли.

Казанышлары[үзгәртү | вики-текстны үзгәртү]

Башкортстанның җиде тапкыр классик көрәш буенча, биш тапкыр ирекле көрәш буенча чемпионы була. Классик һәм ирекле көрәш буенча бөтенсоюз ярышлары җиңүчесе була.

Тренер буларак, ул Октябрьский шәһәренең җыелма командасын классик һәм ирекле көрәш буенча республика чемпионатларының һәм спартакиадаларының җиңүчесенә чыгара, моның өчен «Башкортстанның иң яхшы тренеры» мактаулы исеме белән билгеләнә.

Тәрбияләнүчеләре[үзгәртү | вики-текстны үзгәртү]

Виктор Ухарский тәрбияләнүчеләре арасында:

  • ССРБ-ның халыкара сыйныф спорт мастеры Гайнанов Риф, грек-рим көрәше буенча Дөнья кубогы җиңүчесе
  • ССРБ-ның спорт мастеры, Башкортстанның берничә тапкыр чемпионы, «Энергия» бөтенсоюз спорт җәмгыяте чемпионы Хәмзә Гарипов
  • мәктәп укучылары арасында ирекле көрәш буенча ССРБ чемпионы Шамил Фәткуллин
  • Башкортстан чемпионы, үсмерләр арасында ССРБ беренчелеге призеры Виктор Потанкин
  • Үсмерләр арасында Башкортстан беренчелегенең берничә тапкыр җиңүчесе Александр Лиханов
  • Башкортстан беренчелеге җиңүчесе Александр Беляев
  • Литва һәм Башкортстан чемпионы Альфред Йосыпов
  • Россия «Труд» спорт җәмгыяте чемпионаты призеры Александр Золотухин
  • Башкортстан беренчелеге призеры Флүрә Өметбаева
  • Башкортстанның ирекле һәм классик көрәш буенча күп тапкыр чемпионы Павел Макаров
  • ССРБ-ның спорт мастеры Флүр Дәүләтгәрәев

Әлеге вакытта грек-рим көрәше буенча тренерларның өченче буыны Октябрьский шәһәрендә спортның бу төрен үстерүне дәвам итә.

Хәтер[үзгәртү | вики-текстны үзгәртү]

2010 елдан Башкортстан Республикасының Октябрьский шәһәрендә грек-рим көрәше буенча Ухарский Виктор Александрович призына Ачык шәхси республика турниры уздырыла[1].

Сылтамалар[үзгәртү | вики-текстны үзгәртү]