Лев Пушкин
| Лев Пушкин | |
|---|---|
 | |
| Туган телдә исем | Лев Сергеевич Пушкин |
| Туган | 17 апрель 1805 Мәскәү |
| Үлгән | 19 июль 1852 (47 яшь) Әдис |
| Үлем сәбәбе | гидроцефалия[d] |
| Күмү урыны | Иске Христиан зираты[d] |
| Яшәгән урын | Мәскәү Санкт-Петербург Варшау Санкт-Петербург Тбилиси Большая Чечня[d] Одесса Париж Одесса |
| Милләт | рус |
| Ватандашлыгы |  Русия империясе |
| Әлма-матер | Лицейский Благородный пансион[d], Петришуле[d] һәм Царское Село лицее[d] |
| Һөнәре | хәрби |
| Җефет | Елизавета Александровна Загряжская |
| Балалар | улы Анатолий (1846), кызлары Ольга (1844), Софья, Мария (1849) |
| Ата-ана |
|
| Кардәшләр | Александр Пушкин[1][2] һәм Ольга Сергеевна Павлищева[d] |
| Катнашкан сугышлар/алышлар | Русско-персидская война 1826—1828 годов[d], 1828-1829 еллардагы урыс-төрек сугышы[d] һәм 1830 елгы Польша күтәрелеше[d] |
| Бүләк һәм премияләре |   |
| Хәрби дәрәҗә | майор, юнкир[d] һәм капитан |
Лев Пушкин, рус. Лев Сергеевич Пушкин — А.С. Пушкинның энесе, хәрби әфисәр, рус гаскәренең чечен, поляк сугышларында катнашучы, Россия империясенең III- IV дәрәҗә Изге Анна ордены, IV дәрәҗә Изге Владимир орденнары кавалеры.
Тәрҗемәи хәле
[үзгәртү | вики-текстны үзгәртү]
1805 елның 17 (29) апрелендә Мәскәүдә туган. Әтисе — Сергей Львович Пушкин, отставкадагы хәрби, әдәбиятчы. Әнисе — Надежда Осиповна Һаннибал, Петр I генералы Ибраһим Һаннибалның оныгы. Санкт-Петербургда лютеран чиркәве карамагындагы алман укуханәсендә (1815), Царское Село лицее пансионында, Санкт-Петербург университеты карамагындагы пансионда белем ала. 1821 елда, пансионның рус әдәбияты укытучысы В.К. Кюхельбекерны (А.С. Пушкинның лицей дусты) эштән бушатуга каршы фетнә кузгаткан өчен, пансионнан чыгарыла.
Тормышы
[үзгәртү | вики-текстны үзгәртү]- 1824-1826 елларда Россия тышкы эшләр министрлыгының чит ил диннәре департаментында хезмәт итә, отставкага чыга.
- 1827-1829 елларда Түбән Новгород драгун полкы белән Иран-Төркия хәрби походында катнаша.
- Финляндия драгун полкы штабс-капитаны дәрәҗәсендә 1830 елгы Польша ихтилалын бастыруда катнаша.
- 1833 елдан Санкт-Петербургда эчке эшләр министрлыгында хезмәт итә.
- 1836 елдан Аерым Кавказ корпусында хезмәттә.
- 1842 елда отставкага чыга, Әдистә порт таможнясында хезмәт куя.
Абыйсы белән мөнәсәбәте
[үзгәртү | вики-текстны үзгәртү]А.С. Пушкин лицейга укырга киткәндә, энесенә 6 яшь була. Көньякта сөргендә чагында, шагыйрь энесенең хәле белән даими кызыксынып тора, аңа күләмле хатлар (барлыгы 40[3]) яза, аның белән фикерләрен уртаклаша, киңәш-табыш итә. Әсәрләрен бастыру, алар өчен акча алу мәсьәләләрен дә энесенә ышанып тапшыра. Лев абыйсының туенда катнаша, мәҗлесне оештыру мәшәкатьләрен үз өстенә ала.
А.С. Пушкин:
|
Минем энем – һәрьяклап акыллы кеше һәм чиста күңелле гүзәл шәхес. Аның күңеленнән мине сызып аттырырга тырышачаклар, ләкин без кан туганнар булып кына түгел, чын дуслар булып калачакбыз[4] | 
|
Соңга таба, Лев гаебе белән, бертуганнарның мөнәсәбәте коры, рәсми төс ала. Шулай булса да, Александр Пушкин гомер буе энесен кайгыртып яши: аны хезмәткә урнаштыруны өстенә ала, күп санлы әҗәт-бурычларын түләп бара.
Энесенә багышлап язылган берничә шигыре[5] дә бар.
Абыйсының дуэльдә каты яраланып, үлүе турында Лев Кавказда чечен походында чакта ишетә. Франциягә барып, Дантестан үч алу фикереннән иптәшләре генә ваз кичтерә[6]
Абыйсы вафатыннан соң, аның биографиясен (1826 елга кадәрге) язуы билгеле.
Холкы үзенчәлеге
[үзгәртү | вики-текстны үзгәртү]Гаиләдә төпчек бала булу сәбәпле (абыйсыннан тыш, апасы Ольга (1797 елгы) бар), әнисенең иркә баласы була. Яшьтән үк шәрәб эчү, комарлы уеннар белән мавыга.
Хәтере бик яхшы була: абыйсының барлык әсәрләрен яттан белә, яңа шигырьләрен бер укуда ятлап алып, мәҗлесләрдә шуларны сөйли һәм шунлыктан һәр җирдә көтелгән кунакка әйләнә. Карамзин, Жуковский, Дельвиг, Плетнев, Боратынский белән дус була [7] . Үзе дә яхшы шигырьләр яза.
Юмарт була, акча туздырырга ярата, һәрвакыт бурычлары җыела торган була, күбесен абыйсы түләп бара[8].
Чыганаклар
[үзгәртү | вики-текстны үзгәртү]- Викентий Вересаев. Спутники Пушкина.I том. М.: Локид-пресс, 2001 ISBN 5-320-00406-0
Сылтамалар
[үзгәртү | вики-текстны үзгәртү]- Пушкин Лев Сергеевич
- Пушкин Лев Сергеевич 2016 елның 5 март көнендә архивланган.
Искәрмәләр
[үзгәртү | вики-текстны үзгәртү]- ↑ Пушкин, Лев Сергеевич // Русский биографический словарь / мөхәррир А. А. Половцов — СПб: 1910.
- ↑ А. Кирпичников Пушкин, Александр Сергеевич // Энциклопедический словарь — СПб: Брокгауз — Ефрон, 1898.
- ↑ Письма А.С. Пушкина к брату Льву Сергеевичу. М.: В Тип. С. Селивановского, 1858
- ↑ А.С. Пушкинның Дельвигка Кишиневтан язган хатыннан.1821
- ↑ А.С. Пушкинның энесенә багышланган шигыре
- ↑ people.su сайтында, archived from the original on 2015-10-12, retrieved 2015-09-09
- ↑ Пушкин Лев Сергеевич Викитекада
- ↑ А.С. Пушкин апасы, энесе белән уртак имение мөлкәтен идарә итүче була