Мохтар Сәгыйтов

Мохтар Сәгыйтов Мөхтәр Сәғитов
Туган телдә исем	Мохтар Мофаззал улы Сәгыйтов
Туган	27 август 1932(1932-08-27) Бөрҗән районы Иске Собханкул авылы
Үлгән	20 июнь 1986(1986-06-20) (53 яшь) Измир, Төркия Төркия
Милләт	башкорт
Ватандашлыгы	ССРБ ССРБ
Әлма-матер	Башкорт дәүләт университеты
Һөнәре	әдәбият галиме
Бүләк һәм мөкәфәтләре	(1987)
Гыйльми дәрәҗә:	филология фәннәре кандидаты[d]

Мохтар Сәгыйтов (Мохтар Мофаззал улы Сәгыйтов, баш. Мөхтәр Мофаззал улы Сәғитов) – әдәбият галиме, филология фәннәре кандидаты (1965). Салават Юлаев премиясе лауреаты (1987).

Тәрҗемәи хәле

1932 елның 27 августында БАССР Бөрҗән районы Иске Собханкул авылында туган. 1986 елның 20 июнендә Төркиянең Измир шәһәрендә, төрки конференциягә барышлый, автокырылышта фаҗигале төстә һәлак булган. Урта мәктәпне, Уфада дәүләт университетын (1960), Мәскәүдә дөнья әдәбияты институтында аспирантураны (1960) тәмамлый. 1951-1954 елларда хәрби хезмәттә була. 1963-1986 елларда Уфада ССРБ ФА БФ тарих, тел һәм әдәбият институтында (1970 елдан өлкән гыйльми хезмәткәр булып) эшли.

Иҗаты

Фәнни хезмәтләре

Иске Собханкулдагы музее

70 ләп фәнни хезмәте бар. БАССР районнары буенча фольклор экспедицияләрендә (1972, 1984 - җитәкче буларак) катнаша. Халык иҗатын җыю, бастырып чыгару өлкәсендә хезмәт күрсәткән галимнәрнең берсе. Кобайыр жанрын өйрәнеп, «Борынгы башкорт кобайырлары»(1987) исемле китап нәшер итә. «Башкорт халык иҗаты» җыентыгы басмасының (1970-1986) эпоска (2 том, Әхнәф Харисов белән бергә), бәеткә (Н. Шоңкаров белән бергә), совет чоры фольклорына (М. Мәмбәтов белән бергә) багышланган томнарын әзерләшә. Тәрҗемә өлкәсендә дә эшли: «Урал-батыр» (1977), «Акбүзат» (1976), «Былых времён сказания» (1979), «Алдар и Зухра» (1986) китапларын басмага әзерли. Мәскәүдә «ССРБ халыклары эпосы» (Эпос народов СССР) шәлкемендә чыккан «Башкирский народный эпос» (М., 1977, А. Мирбадалева, Ә. Харисов белән берлектә) авторларының берсе. Якутиядә яшәүче башкортларның фольклорын өйрәнеп, мәкаләләр бастыра.

Хәтер

• Иске Собханкул авылында исеме урамга бирелгән.
• Шунда ук музее оештырылган (16.09.1995).

Бүләкләре, мактаулы исемнәре

• Салават Юлаев премиясе (1987) – «Башкорт халык иҗаты» (1970-1986) җыентыгы өчен (авторлар төркемендә)

Әдәбият

М. Сәгыйтов. Гомерлеккә калган яра. Уфа, 1993.

Чыганаклар

С. Галин. Тел ачкычы-халыкта. Уфа, 1999 ISBN 5-295-02592-6 (башк.)

Сылтамалар

Башкортостан Республикасының Әхмәтзәки Вәлиди исемендәге Милли китапханәсенең электрон бүлегендә

• башкорт телендәге әсәрләре

башка чыганаклар

Башкортстан (белешмәлек)(рус.)