Радик Богданов

Радик Богданов
Туган	22 июль 1939(1939-07-22) Кырмыскалы районы, БАССР, РСФСР, СССР
Үлгән	22 сентябрь 2009(2009-09-22) (70 яшь)
Ватандашлыгы	СССР  Россия
Әлма-матер	Башкорт дәүләт медицина университеты
Һөнәре	табиб

Радик Богданов (22 июль 1939 ел — 22 сентябрь 2009 ел) — сәламәтлек саклау өлкәсе эшлеклесе, җәмәгать эшлеклесе. 1965-1967 елларда Балтач, 1967-1978 елларда Дәүләкән район үзәк хастаханәләренең баш табибы. 1989-1991 елларда ССРБ Югары Советы депутаты. Башкорт АССРның атказанган табибы (1976). СССР гражданнар оборонасы отличнигы.

Биографиясе

Радик Гарифулла улы Богданов Башкорт АССРның Кырмыскалы районы Спирт заводы бистәсендә эшче гаиләсендә туган.

• 1946 елдан 1956 елга кадәр Кырмыскалы урта мәктәбендә укый.
• 1956 елдан 1958 елга кадәр Кырмыскалы спирт заводы бухгалтериясендә бухгалтер булып эшли.
• 1958 елда Башкортстан дәүләт медицина институтына (хәзер Башкорт дәүләт медицина университеты) укырга керә.
• 1964 елдан Кырмыскалы районы хастаханәсенең табиб-терапевты, баш врач урынбасары, Кырмыскалы туберкулезга каршы диспансерның баш табибы.
• 1965-1967 елларда Балтач районы хастаханәсенең баш табибы.
• 1967-1978 елларда Дәүләкән районы хастаханәсен җитәкли. Бу чорда кардиология бүлеге бинасы (1971), инфекция бүлеге корпусы (1974), 240 урынлык хастаханә бинасы һәм поликлиника (1975) төзелә.
• 1980 елның августында Уфада яңа төзелүче күп профильле 21-нче хастаханәсенә баш табиб итеп күчерелә һәм 1983 елда бу хастаханә комплексын төзелеп бетә, хастаханә хезмәткәрләре өчен 76 фатирлы торак йорт, 300 урынлы ятак төзетә.
• 1989-1991 елларда ССРБ Югары Советы депутаты.

Гыйльми эшчәнлеге

• Башкортстанның сәламәтлек саклау өлкәсендә микрохирургия, яңак-йөз хирургиясе, проктология юнәлешләрен үстерүче.
• Яңа дәвалау ысулларын, бригада ысулын кертүче, көндезге стационар эшен оештыручы.
• 40 гыйльми эш һәм биш рационализаторлык кушуы авторы.

Мактаулы исемнәре һәм башка бүләкләре

• ССРБ-ның Гражданнар оборонасы отличнигы
• Башкорт АССР-ның атказанган врачы (1976) 
• РСФСР-ның «Кызыл тәре» җәмгыятенең Мактау кәгазе

Гаиләсе

• Хатыны - Лена Әхнәф кызы, акушер-гинеколог.
• Улы - Богданов Ринат, медицина фәннәре докторы, анестезиология-реаниматология профессоры
• Кызы -Гүзәл Исхакова, инглиз теле укытучысы.

Сылтамалар

• Большая биографические энциклопедия. 2009 г./https://dic.academic.ru/dic.nsf/enc_biography/11553/Богданов.
• Журнал «Медицинский вестник Башкортостана» том № 4,номер № 5,стр.98-99.Рубрика «Памятная дата»