Ришат Муллагилдин
| Ришат Муллагилдин | |
|---|---|
 | |
| Туган телдә исем | Ришат Усман улы Муллагилдин |
| Туган | 3 февраль 1969 СССР, РСФСР, БАССР, Уфа |
| Үлгән | 15 апрель 2022 (53 яшь) РФ, Башкортстан, Уфа |
| Ватандашлыгы |  СССР→ РФ |
| Һөнәре | архитектор |
| Бүләк һәм премияләре |  |
Ришат Муллагилдин, Ришат Усман улы Муллагилдин (1969 елның 3 феврале, СССР, РСФСР, БАССР, Уфа – 2022 елның 15 апреле, РФ, БР, Уфа) ― архитектор, 1999 елдан Россия архитекторлар берлеге әгъзасы. 2005 елдан Уфаның «RAUM Architects» ҖЧҖ президенты. «Торатау» конгресс-холлы бинасының проект авторы. «ARX Awards» милли (2006, 2007), Салават Юлаев исемендәге БР дәүләт (2008) премияләре лауреаты. Халыкара архитектура академиясе профессоры (2008) [1].
Тәрҗемәи хәле[үзгәртү | вики-текстны үзгәртү]
1969 елның 3 февралендә Уфада туган. Әтисе Баймактан [2]. Уфаның 89нчы урта мәктәбен, Мәскәү архитектура институтын (рус. МАрхИ, 1995) тәмамлаган. Ике ел РФ Һава-десант гаскәрләрендә хәрби хезмәт үткән.
Япониядә Токионың Шибаура технология институтында стажировка узган, Кейо университетында белем алган, докторантура тәмамлаган. Япон телен камил белгән.
- 1994 елдан (МАрхИда укыган вакыттан) – җәмәгать биналарын һәм корылмаларын проектлау буенча «Моспроект-2» муниципаль проект компаниясе архитекторы (Б. В. Палуй остаханәсе) [1].
- 1997―2005 елларда Япониядә белемен күтәрә һәм осталыгын арттыра. Гаилә кора.
- 1998―1999 елларда – Nihon Sekkei проект фирмасы архитекторы, бер үк вакытта 1999-2001 елларда Шибаура технология институты архитектор-инструкторы.
- 2005 елдан – Уфаның «RAUM Architects» ҖЧҖ президенты.
- Башкортстан Президентының архитектура һәм шәһәр төзелеше мәсьәләләре буенча киңәшчесе булып эшләгән.
Хезмәтләре[үзгәртү | вики-текстны үзгәртү]
Агыйдел елгасының уңъяк яры Көньяк битләве проекты (рус. Проект южного склона) Архитектура һәм шәһәр төзелеше өлкәсендә беренче Россия премиясе – «ARX AWARDS-2006» лауреаты була һәм 2006 елда «Россиядә иң яхшы шәһәр төзелеше проекты» дип таныла. Конгресс-холл «Россиядә иң яхшы күпфункцияле комплекс» дип таныла һәм шул ук премияне 2007 елда ала. Шулай ук Конгресс-холл Халыкара архитектура академиясенең махсус премиясенә лаек була һәм бәйсез жюри тарафыннан XV халыкара «Зодчество» фестивалендә «иң уникаль проект» дип таныла. «Акбүзат» ипподромы проекты Россия Архитекторлар берлеге дипломына лаек була [1].
- 2007 елда аның проекты буенча «Торатау» конгресс-холлы төзелә.
- 2007 елда «Акбүзат» ипподромына реконструкция ясала (икесе дә Япония архитекторы Киокадзу Араи (Япониянең ARAI ARCHITECTS ширкәте) белән бергә).
Архитектура һәм шәһәр төзелеше, дизайн мәсьәләләренә багышланган 20 дән артык фәнни хезмәт, күргәзмә каталоглары, «Россия архитектурасы буенча белешмә» җыентыгы (Токио, 2002, япон телендә) авторы.
Бүләкләре, мактаулы исемнәре[үзгәртү | вики-текстны үзгәртү]
- 2006 – «ARX Awards» милли премиясе (Мәскәү) – Агыйдел елгасының уңъяк яры көньяк битләве проекты (рус. Проект южного склона) өчен
- 2007 – «ARX Awards» милли премиясе – Конгресс-холл күпфункцияле бинасын проектлаган өчен
- 2008 – Салават Юлаев премиясе – Конгресс-холл күпфункцияле бинасын проектлаган өчен (Киокадзу Араи белән бергә) [3]
- 2011 – «AIDA Awards» милли премиясе (Япония) – һөнәри казанышлар ярдәмендә заманча җәмгыять үсешенә уникаль өлеш керткән өчен [4]
- һ. б.
Хәтер[үзгәртү | вики-текстны үзгәртү]
- 2024 елның 27 февралендә Уфада архитектор Ришат Муллагилдинга багышланган мәгълүмат тактасы ачыла. Ул «Торатау» конгресс-холл бинасына (5нче ишек, Вәлиди һәм Гафури урамнары чаты) куела[5].
Искәрмәләр[үзгәртү | вики-текстны үзгәртү]
- ↑ 1,0 1,1 1,2 Нет ничего невозможного. posledniizavet.forum24.ru(рус.)
- ↑ На самом деле удивительная встреча с Муллагильдином. Байрас Азамат ВКонтакте, 22.09.2018
- ↑ Ришат Усманович Муллагильдин, профессор МААМ. archinfo.ru, 15.05.2010(рус.)
- ↑ Башкирский архитектор получил престижную премию в Японии. KP.Ru, 16.12.2011(рус.)
- ↑ Ләйлә Аралбаева. Өфөлә архитектор Ришат Муллагилдиндың хәтере мәңгеләштерелә. «Башинформ» МА, 26.02.2024(башк.)
Сылтамалар[үзгәртү | вики-текстны үзгәртү]
- Розалия Вәлиева. «Торатау» конгресс-холлы проекты авторы Ришат Муллагилдин вафат. Башинформ МА, 15.04.2022
- Нет ничего невозможного. posledniizavet.forum24.ru (рус.)
- Люди с которых нужно брать пример. Знакомьтесь, Ришат Муллагильдин! Сайт друзей Урала, 7.12.2010(рус.)
- Муллагилдин Ришат Усман улы. 2022 елның 15 апрель көнендә архивланган. «Башкортстан» төбәк интерактив энциклопедик порталы (рус.)(башк.)