Рәмис Хәялиев
Рәмис Хәялиев | |
---|---|
![]() | |
Туган телдә исем | Хәялиев Рәмис Рәфис улы |
Туган | 31 октябрь 1961 (62 яшь) ТАССРның Яшел Үзән районы Мамадыш-Әкил авылы |
Милләт | татар |
Ватандашлыгы | ![]() |
Һөнәре | сәясәтче |
Рәмис Хәялиев (31.10.1961; Мамадыш-Әкил, Яшел Үзән районы, ТАССР) — Кайбыч муниципаль районы башлыгы урынбасары, авыл Советы депутаты.
Биография
[үзгәртү | вики-текстны үзгәртү]Хәялиев Рәмис Рәфис улы 1961 елның 31 октябрендә ТАССРның Яшел Үзән районы Мамадыш-Әкил авылында туган. Балачагы һәм яшьлек еллары Апас районы Иске Чәчкаб авылында уза (хәзер Кайбыч районы). Ульянково урта мәктәбендә белем ала.
Гаилә хәле
[үзгәртү | вики-текстны үзгәртү]Өйләнгән. Тормыш иптәше Гүзәл Газимҗан кызы белән 2 бала тәрбияләп үстергәннәр. Хәялиева Гүзәл Газимҗан кызы озак еллар Татарстан Республикасының Кайбыч район суды рәисе булып эшләгән.
Хезмәт эшчәнлеге этаплары
[үзгәртү | вики-текстны үзгәртү]01.10.1979 – 25.07.1980. ТАССРның Апас районы 26 нчы номерлы авыл профессиональ техник училищесында киң профильле механизатор белгечлеге ала.
01.09.1980.-15.06.1985. В.П. Горячкина исемендәге Мәскәү авыл хуҗалыгы инженерлары институты студенты. Белгечлеге буенча — инженер-педагог.
19.08.1985 — 12.09.1987. Апас районы 26 нчы номерлы авыл профессиональ техник училищесында укыта.
12.09.1987 – 08.09.1991. Апас районында ВЛКСМ райкомының 1нче секретаре булып эшли.
08.09.1991 – 14.02.1992. Кайбыч район Советының оештыру бүлеге мөдире вазифасын башкара.
14.02.1992 – 30.12.2005. Кайбыч район Советы рәисе урынбасары .
01.01.2006 нчы елдан алып хәзерге көнгә кадәр Кайбыч муниципаль районы башлыгы урынбасары — Кайбыч муниципаль районы Советы рәисе урынбасары. Иҗтимагый эшчәнлеге: «Бердәм Россия» партиясенең әгъзасы, Колангы авыл җирлеге Советы депутаты.
Дәүләт бүләкләре
[үзгәртү | вики-текстны үзгәртү]2003 ел – «Бөтенроссия халык санын алуны оештыруда ирешкән нәтиҗәләре өчен» медале;
2004 ел – «М.А. Шолоховның 100-еллыгына» медале;
2005 ел – «Казанның 1000 еллыгы истәлегенә» медале;
2006 ел – Татарстан Республикасы Президентының Рәхмәт хаты;
2009 ел – Татарстан Республикасы Үзәк сайлау комиссиясенең Мактау кәгазе;
2011 ел — «Татарстан Республикасында җирле үзидарәне үстерүдәге казанышлар өчен» медале;
2011 ел – Татарстан Республикасы Дәүләт Советы рәисенең Рәхмәт хаты.
2012 ел – «2010нчы елда Бөтенроссия халык санын алуны оештыруда ирешкән нәтиҗәләре өчен» медале;
2012 ел – «Ирешкән нәтиҗәләре өчен» ордены.
Чыганаклар
[үзгәртү | вики-текстны үзгәртү]- Туган җирем – Кайбычым. Казан: Идел-пресс, 2007