Мөнир Кунафин

Мөнир Кунафин
М.С. Кунафин
Туу датасы:	17 март 1971(1971-03-17) (49 яшь)
Туу урыны:	БАССР Гафури районы Сәетбаба авылы
Ватандашлык:	ССРБ ССРБ→ Русия Русия
Эшчәнлек төре:	журналист, шагыйрь
Юнәлеш:	поэзия, проза, драматургия
Жанр:	шигырь, пьеса, хикәя
Иҗат итү теле:	башкорт теле
Дебют:	«Шундый мәлем» (2001)

Мөнир Кунафин, Мөнир Сәхиулла улы Кунафин, баш. Ҡунафин Мөнир Сәхиулла улы (17.03.1971) — журналист, шагыйрь. «Шоңкар» журналының баш мөхәррире (2012 елдан). РФ һәм БР язучылар һәм журналистлар берлекләре әгъзасы (2005). БР атказанган мәдәният хезмәткәре (2015).

Тәрҗемәи хәле

1971 елның 17 мартында БАССР Гафури районы Сәетбаба авылында туган. Уфада Р. Гарипов исемендәге гимназия-интернатны (1988), Башкорт дәүләт университетының филология факультетын (1993) тәмамлаган.

Хезмәт юлы

Эшчәнлеге журналистика белән бәйле.

• «Йәшлек» газетасында (Уфа) бүлек мөдире, җаваплы сәркатип, баш мөхәррир урынбасары.
• «Ватандаш» журналында (Уфа) бүлек мөдире.
• 2012 елдан «Шоңкар» журналында баш мөхәррир (директор).
• 2020 елдан «Агыйдел» журналының баш мөхәррире.

Иҗаты

Поэзия, проза, драматургия өлкәләрендә иҗат итә. Уфада «Китап» нәшриятында берничә китабы нәшер ителгән. «Бельские просторы» журналында «Артта — Мәскәү» (Позади Москва), «Авылга Аллаһы килер...яки Туктап калган вакыт» (В деревню явится Бог...или Остановившееся время), «Кайнозой» әсәрләре басылып чыккан. Стәрлетамак драма теарында «Тыңлыйк вакыт акканын» (Раб божий предполагает) пьесасы уйнала

Китаплары

• Шундый мәлем. Уфа: Китап, 2001.(башк.)
• Гомер дигәннәре. Уфа: Китап, 2005.(башк.)
• Тәңре өрек капканда. Уфа,Китап, 2012.(башк.)

Гаиләсе

Хатыны Гөлшат — «Башкортстан кызы» журналында хәбәрче, улы — Ядкәр (2004).

Бүләкләре, мактаулы исемнәре

• 2015 Башкортстанның атказанган мәдәният хезмәткәре.
• РФ, төбәкара, БР әдәби бәйгеләре лауреаты.

Хәерчедән хәер сорамагыз, Хәерченең булмый байлыгы. Мөнирдән сез йөрәк сорамагыз, Оныткан ул йөрәк барлыгын.'' Оныткан ул җирдә яшәвен дә, Олимп тавын да ул эзләми, Дөнья кинәт якты нурга чумды- Шырпы яткан икән кесәдә...'' Мөнир Кунафин

Сылтамалар

• «Классташлар»дагы сәхифәсе
• Илаһи күңелләрдә зар булмый. «Башкортстан», 2007 ел, апрель.

Моны да карагыз

• М. Кунафин шигырьләрен укый (видео, 2 мин.)