Нязепетровск

Нязепетровск
Ил	РоссияРоссия
Өлкә	Чиләбе өлкәсе
Район	Нязепетровск районы
Координатлар	56°3'N, 59°36'E
Нигезләнгән	1747
Мәркәз биеклеге	100 м
Халык саны	12 452 кеше
Сәгать кушагы	UTC+4
Телефон коды	+7 35156
Почта индексы	456970

Нязепетровск (рус. Нязепетровск) — Чиләбе өлкәсендәге кече шәһәр, Нязепетровск районының административ үзәге.

Халык саны — 12 452 кеше (2010).

География

Нязепетровск Урта Урал көнбатыш битләвенең көньяк өлешендә, Наҗы елгасы (Караидел кушылдыгы) өстендә, Чиләбедән 338 километрга төньяк-көнбатышка таба урнашкан. Нязепетровская тимер юл станциясе.

Исем чыганагы

Шәһәр үз исемен Нязя елгасы һәм заводның нигезләүче Пётр Осокинның исеме буенча ала.

Гидроним "Нязя" төрки телләрдә, шул исәптән башкорт теле диалектларында, "чыршы" дип аңлатыла.

Тарих

Нязепетровск 1747 елда чугун эретү һәм тимер ясау заводы янындагы бистә буларак нигезләнә.

1894 елда завод бистәсендә якынча 10,6 мең кеше яшәгән, 18 лавка (кибет) һәм бер хастаханә булган.

1932 елда шәһәр тибындагы бистә статусын ала, 1944 елдан — шәһәр.

Халык

1939	1959	1970	1979	1989	2002	2010
~13 000	22 497	18 584	17 736	17 133	13 405	12 452

Милли состав

Милләт	2002	2010
руслар	85,7%	85,2%
татарлар	6,7%	7,1%
башкортлар	6,0%	6,2%

Икътисад

• Нязепетровск краннар төзү заводы (шәһәр оештыручы предприятиесе)
• агач эшкәртү сәнәгатенең прердприятиеләре.

Мәгариф

5 балалар бакчасы, 4 өстәмә белем алу учреждениесе, 4 мәктәп.

Югары уку йортлары

• Көньяк Урал дәүләт университетының филиалы
• Чиләбе дәүләт университетының филиалы