Ринат Мәннан

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Ринат Мәннан latin yazuında])
Навигациягә күчү Эзләүгә күчү
Ринат Мәннан
Rinat Mannan.jpg
Туган телдә исем Архипов Ринат Николаевич.
Туган 6 февраль 1946(1946-02-06) (72 яшь)
Татарстан Республикасы, Чистай районы, Чистай шәһәре.
Милләт татар.
Ватандашлыгы Flag of the Soviet Union.svg/State Emblem of the Soviet Union.svg ССРБ
Русия байрагы Русия Федерациясе/Татарстан байрагы Татарстан
Һөнәре шагыйрь, прозаик.
Бүләк һәм мөкәфәтләре Шәйхи Маннур исемендәге премия (1995); Памятная медаль участника Всероссийского ежегодного литературного конкурса «ГЕРОИ ВЕЛИКОЙ ПОБЕДЫ» (2017); мактаулы грамоталар һәм дипломнар.

Ринат Мәннан (рус. Архипов Ринат Николаевич) - татар шагыйре, язучы, Шәйхи Маннур исемендәге әдәби премия лауреаты.

Тормыш юлы[үзгәртү | вики-текстны үзгәртү]

Архипов Ринат Николаевич (псевдонимы - Ринат Мәннан) 1946 елның 6 февралендә Чистай шәһәрендә укытучы гаиләсендә дөньяга килә. Балачагы Шөгер (хәзерге Лениногорск) районында уза. Ринат Мәннан шигъри иҗат белән 6 сыйныфта укыганда ук шөгыльләнә башлый. 1964 елда медучилище тәмамлый, фельдшер булып эшли. 1965 елдан алып 1968 елга кадәр армиядә хезмәт итә. Хәрби хезмәте тәмам булгач ук, ул Казан дәүләт медицина институтына укырга керә һәм аны 1974 елда тәмамлап чыга. Шуннан соң аны Мордовиягә эшкә җибәрәләр. Ул анда ике ел табиб булып эшли. Аннан соң Чистайга кайтып, Үзәк балалар хастаханәсендә табиб-педиатр булып 1978 елга кадәр эшли. Хәзерге көндә лаеклы ялда, Казанда яши. Аның йөзләрчә шигырьләре гәҗит-журналларда дөнья күрде. Аны аеруча пародияләр, сатирик-юмористик шигырьләр язу кызыктырды. Ул «Чаян» журналы белән һәрвакыт багланышта булды. Ринат Мәннан балалар өчен дә актив иҗат итә. Хәзер дә төрле гәҗит-журналларга әсәрләрен тәкъдим итеп тора.

Иҗаты[үзгәртү | вики-текстны үзгәртү]

Ринат Мәннанның «Умырзая» исемле беренче китабы 1998 елда басылып чыкты. Нәниләр өчен «Табиб әлифбасы» китабының ике басмасы да 2001, 2003 елларда 50000 тираж белән «Раннур» нәшриятында басылып, тиз таралып бетте. Аның төрле елларда «Каян килә туңдырма?», «Анатомик театр» (2003), «Микроб» (2003), «Исхакый әлифбасы» (2008), «Тукайга сәяхәт» (2011), Татарстан китап нәшриятында «Ялкау өстәл», «Шүрәле әлифбасы», «Сүз» нәшриятында «Су анасы янында», «Сызыклы кәҗә», «Шәп сабак», «Әфлисунлы малай», «Серле күл», «Авыр икән “2”ле», «Болыт мичләре», «Табылган көндәлек», «Бу мин – Сарбай», «Качкын көнгерә», «Уймак һәм каймак», «Муса дәфтәре», «Айга сәяхәт», «Җүкәтау», 2013 елда «Яратабыз мәктәпне» – җырлар китабы басылып чыга. Моннан тыш ике дистәдән артык күренекле язучыларга багышланган әлифбалар төзи һәм бастырып чыгара. Ринат Мәннан рус телендә дә яза. Кайбер тәрҗемәләре «Идель» журналында, «Казанские ведомости» гәҗитендә басылды. 2010 елда «Лимерики», «Алексей Максимович» (2011), «Обида одного зуба» (2013) исемле китаплары дөнья күрде. Ринат Мәннан 2004 елдан Россия, 2006 елдан Татарстан Язучылар берлеге әгъзасы.

Танылу һәм бүләкләнү[үзгәртү | вики-текстны үзгәртү]

Ринат Мәннан 1993 елда «Молодёжь Татарстана» газетасы оештырган фантастик хикәяләр конкурсында җиңеп чыга һәм «Озеро» исемле хикәя белән беренче урынны алып, күренекле фантаст Кир Булычев бүләгенә лаек була. 2004 елда Казан дәүләт университетының 200 еллыгы уңаеннан Мактаулы Грамота белән бүләкләнә. 2006 елда татар студентларының «Тәрәзә» газетасында актив эшчәнлек алып барганы һәм «Әллүки» әдәби-иҗат берләшмәсе белән тыгыз бәйләнештә торганы өчен «Әллүки»нең МАХСУС ДИПЛОМЫ бирелә. 2007 елда татар мәгарифен үстерүдәге нәтиҗәле хезмәте өчен Татарстан Мәгариф һәм фән министрлыгының Каюм Насыйри исемендәге премия конкурсанты Дипломы бирелде. Шәйхи Маннур исемендәге әдәби премия лауреаты.

Төп басма китаплары[үзгәртү | вики-текстны үзгәртү]

  • Умырзая: пародияләр, эпиграммалар. - Казан: Таң-Заря, 1998. - 500 д.
  • Табиб әлифбасы. - Казан: Раннур 2001, 2003. - 50000 д.
  • Ялкау өстәл: балалар өчен шигырьләр. - Казан: Татарстан китап нәшрияты 2005. - 3000 д.
  • Исхакый әлифбасы. - Казан: Матбугат йорты, 2008. - 1000 д.
  • Шүрәле әлифбасы. - Казан: Татарстан китап нәшрияты, 2011. - 3000 д.
  • Сызыклы кәҗә: балалар өчен шигырьләр. - Казан: Сүз, 2011. - 500 д.
  • Су анасы янында: балалар өчен әлифба. - Казан: Сүз, 2011. - 500 д.
  • Әфлисунлы малай: балалар өчен шигырьләр. - Казан: Сүз, 2011. - 500 д.
  • Шәп сабак: балалар өчен шигырьләр. - Казан: Сүз, 2011. - 500 д.
  • Серле күл: балалар өчен әкият-поэма. - Казан: Сүз, 2011. - 500 д.
  • Авыр икән “2” ле! балалар өчен поэма. - Казан: Сүз, 2011. - 500 д.
  • Болыт мичләре: балалар өчен шигырьләр. - Казан: Сүз, 2012. - 500 д.
  • Муса дәфтәре: балалар өчен поэма. - Казан: Сүз, 2012. -00 д.
  • Качкын Көнгерә: балалар өчен шигырьләр. - Казан: Сүз, 2012. - 500 д.
  • Бу мин – Сарбай: балалар өчен шигырьләр. - Казан: Сүз, 2012. - 500 д.
  • Уймак һәм каймак: балалар өчен шигырьләр. - Казан: Сүз, 2012. - 500 д.
  • Табылган көндәлек: балалр өчен шигырьләр. - Казан: Сүз, 2012. - 500 д.
  • Айга сәяхәт: балалар өчен әкият-поэма. - Казан: Сүз, 2012. - 500 д.
  • Җүкәтау: балалар өчен әкият-поэма. - Казан: Сүз, 2012. - 500 д.

Сылтамалар[үзгәртү | вики-текстны үзгәртү]