Фатих Кәрими

Wikipedia — ирекле энциклопедия проектыннан
Моңа күчү: навигация, эзләү
Фатих Кәрими

Тулы исеме Фатих Гыйльман улы Кәримов
Туу датасы 30 март 1870(1870-03-30)
Туу җире Миңлебай авылы, Бөгелмә өязе (хәзерге Әлмәт районы)
Милләте татар
Үлем датасы 27 сентябрь 1937(1937-09-27) (67 яшь)
Үлем җире Мәскәү, ССРБ
Әтисе Гыйльман Кәримов

Фатих Гыйльман улы Кәрими — күренекле татар язучысы, нашир, журналист, җәмәгать эшлеклесе.

1870 елның 30 мартында Бөгелмә өязенең (хәзерге Әлмәт районы) Миңлебай авылында мулла гаиләсендә дөньяга килә. Башлангыч белемне әтисе җитәкчелегендә өйдә ала. Чистайның «Кәмәлия» мәдрәсәсендә, аннары ике еллык училищеда укый. 1892 елда Төркиягә (Истанбул) укуны дәвам итү өчен китә. Анда төрек һәм Аурупа телләрен өйрәнә. Фатих Кәриминең гарәп, фарсы, төрек, француз телләрен белүе билгеле.

Кайткач, 1896-1898 елларда Ялтадагы мәдрәсәдә укыта. 1899 елда Аурупа дәүләтләрендә сәяхәт итә. Шул ук елның июлендә гаиләсе белән Оренбургка күченә. 1902 елда әтисе вафат була, һәм Фатих Кәрими аның типографиясендә китап бастыру эше белән шөгыльләнә.

Октябрь инкыйлабыннан соң да ул матбугат эшеннән аерылмый. 1925-1937 елларда Мәскәүдә СССР Халыклары Үзәк нәшриятында эшли.

Фатих Гыйльман улы Кәрими 1937 елда Мәскәүдә вафат була.

Иҗат[үзгәртү]

Аның «Бер шәкерт илә бер студент» дигән беренче хикәясе 1899 елда дөнья күрә. Шуннан соң ул «Җиһангир мәхдүмнең авыл мәдрәсәсендә укуы», «Гали хәлфә», «Солтанның гыйшкы», «Телсез хатын», «Хыялмы, хакыйкатьме», «Салих бабайның өйләнүе» һ. б. хикәяләр, «Мирза кызы Фатыйма» исемле повестен яза.

Фатих Кәриминең «Аурупа буйлап сәяхәт», «Төрек хатын-кызлары», «Мәрхүм Гыйльман ахун», «Төрлесеннән» һәм «Константинопольдән хатлар» дигән библиографик хезмәтләре дә бар.

Сылтамалар[үзгәртү]