Леон Буржуа

Wikipedia — ирекле энциклопедия проектыннан
Моңа күчү: навигация, эзләү
Леон Буржуа
Bourgeoi.jpg
Туган телдә исем Леон Виктор Огюст Буржуа
фр. Léon Victor Auguste Bourgeois
Туган 21 май 1851(1851-05-21)
Париж
Үлгән 29 сентябрь 1925(1925-09-29) (74 яшь)
Шато д'Ожер
Ватандашлыгы Франция байрагы Франция
Һөнәре сәясәтче, юрист, дәүләт эшлеклесе
Сәяси фирка Республиканская, радикальная и радикально-социалистическая партия[d]
Бүләк һәм мөкәфәтләре Нобель премиясе — 1920 Тынычлык өчен Нобель премиясе
Commons-logo.svg Леон Буржуа Викиҗыентыкта

Леон Виктор Огюст Буржуа (фр. Léon Victor Auguste Bourgeois; 21 май 1851, Париж29 сентябрь 1925, Шато-д'Ожер) – атаклы француз дәүләт эшлеклесе һәм юрист, Франциянең 64 нче премьер-министры, 1920 елда Тынычлык өчен Нобель премиясе лауреаты.

Биография[үзгәртү | вики-текстны үзгәртү]

Леон Буржуа 1851 елның 21 маенда Парижда туа. Ул Париж университетының юридик факультетында укый, анда хокук докторы дәрәҗәсен ала һәм шуннан соң күпмедер вакыт адвокат булып эшли. 1882 елда ул Тарн департаментының префекты итеп билгеләнә, 1885 елда исә – Югары Гаронна префекты, ә 1887 елдан Париж полициясын җитәкли. 1890 елда ул эчке эшләр министры вазифасын били, ә 1890 елдан 1892 елга кадәр иҗтимагый мәгариф министры була. 1892-1893 елларда Буржуа юстиция министры булып эшли һәм бу чорда Панама гаугасы эшен алып бара.

1895 елда Буржуа премьер-министр итеп билгеләнә һәм үзенең кабинетын оештыра, анда күбесенчә радикал-социалистлар була. Буржуа хөкүмәте игътибарын күбесенчә социаль мәсьәләләргә юнәлтә һәм үзенең социаль программасын төзи. Аны табышка бәйле салым хисабына башкарырга җыеналар. Ләкин бу тәкъдим җитди каршылыкка очрый, һәм 1896 елның апрелендә Буржуа вазифадан китә.

1899 һәм 1907 елларда ул француз делегациясен Һаага конференцияләрендә җитәкли, 1906 елда исә тышкы эшләр министры буларак, Альхесираста Франциянең вәкиле була. Буржуа Милләтләр Лигасы уставын төзү буенча комиссия әгъзасы итеп билгеләнә, ә 1920 елда Лига Шурасының рәисе итеп сайлана. Шул ук елны арбитраж ысуллары аша тынычлык урнаштыруда тырышлыклары өчен, Тынычлык өчен Нобель премиясе белән бүләкләнә. 1920-1923 елларда ул Сенат рәисе мөддәтен үти.

Леон Виктор Огюст Буржуа 1925 елның 29 сентябрендә Шато-д'Ожерда вафат була.

Сылтамалар[үзгәртү | вики-текстны үзгәртү]

Чыганак[үзгәртү | вики-текстны үзгәртү]