Мансур Сафин
| Мансур Сафин | |
|---|---|
 Мансур Сафин | |
| Тугач бирелгән исеме: | Мансур Габдулла улы Сафин |
| Туу датасы: | 11 май 1949 (75 яшь) |
| Туу урыны: | Кемерово өлкәсе, Анжир |
| Ватандашлык: |  ССРБ→ Россия |
| Эшчәнлек төре: | язучы |
| Иҗат итү теле: | татар, рус |
| Яшәү җире | Маршал Жуков урамы[d], Чаллы[1] |
Мансур Габдулла улы Сафин — татар язучысы, Татарстан Язучылар берлегенең Шәйхи Маннур исемендәге премиясе иясе, Эдуард Касыймов, Егор Уткин премияләре лауреаты, Татарстан Язучылар берлеге әгъзасы (1997 елдан). Россия һәм Татарстан журналистлар берлекләре әгзасы (1996).
Тәрҗемәи хәле
[үзгәртү | вики-текстны үзгәртү]1949 елның 11 маенда Кемерово өлкәсе Анжир шәһәрендә шахтер гаиләсендә туган. 1950 елда әти-әнисе туган якка — Мамадыш шәһәренә әйләнеп кайта. М. Сафинның балачагы һәм үсмер чагы әлеге шәһәрдә уза. 1966 елда Г.К. Орджоникидзе исемендәге Ырынбур зенит — артиллерия укуханәсенә кабул ителә. Казан дәүләт университетының физика факультеты радиофизика бүлеген тәмамлаган (1970).
Хезмәт юлы
[үзгәртү | вики-текстны үзгәртү]- 1970 Казан язу җайланмалары заводында цех инженеры.
- 1976 КПСС Мамадыш райкомы инструкторы.
- 1976—1978 Мәскәү өлкәсе Сергиев Посад районы Пересвет шәһәрендә әфисәр вазыйфасында хәрби хезмәттә була.
1978 елдан гаиләсе белән Яр Чаллы шәһәрендә яши. «КамАЗ» ААҖ автомобиль, агрегат, автомеханика, кою заводларында һәм кадрлар бүлегендә инженер вазыйфасында 15 ел эшли. Урта мәктәпләрдә, махсус урта уку йортларында, Яр Чаллы дәүләт педагогика институтында (татар филологиясе кафедрасында) укыта. 1990 елларда журналист эшенә күчә. «Аргамак» журналы баш мөхәррир урынбасары вазыйфасында (1995-2000), «Бизнес-класс», «Отчий край», «Светлый путь» гәҗитләре (Яр Чаллы) мөхәрририятендә, «Казань» журналында (Казан) (2003-2004) эшли.
Иҗаты
[үзгәртү | вики-текстны үзгәртү]М. Сафин ике телдә – рус һәм татар телләрендә яза. Русчадан татарчага һәм татарчадан русчага һөнәри тәрҗемәче. Туган якны өйрәнүче язучы буларак, Татарстан һәм Яр Чаллы җирлегендә күп археология һәм археография сәяхәтләрендә катнаша. Кама буе, Кама аръягы, Татарстан көнчыгышы тарихы һәм әдәби эзләнүләр буенча күп санлы очерклар авторы.
Флера Андреева, Яр Чаллы мэры урынбасары: «Безнең арада һәр яктан талантлы, ун кеше эшен берүзе башкара торган шәхесләр бар. Мансур Габдулла улы нәкъ шундый шәхес: белеме буенча радиофизик, шул ук вакытта лирик шагыйрь, журналист, тәрҗемәче, туган якны өйрәнүче. Яр Чаллы тарихын барлау, шәһәрдә әдәби традицияләрне булдыру һәм ныгыту, шәһәрнең уңай имиджын бар итүгә һәм халыклар дуслыгын ныгытуга бәяләп бетермәслек хезмәт итә.»[2]
Татар һәм рус телләрендә дистәдән артык китап авторы.
Сылтамалар
[үзгәртү | вики-текстны үзгәртү]- Яр Чаллы язучылары(үле сылтама)
- Татар язучылары порталы