Сергей Светлаков

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Сергей Светлаков latin yazuında])
Навигациягә күчү Эзләүгә күчү
Сергей Светлаков
Светлаков Сергей 2011 .jpg
Туган 12 декабрь 1977(1977-12-12) (44 яшь)
Екатеринбург, РСФСР, СССР
Ватандашлыгы Flag of Russia.svg Россия
Әлма-матер Урал дәүләт тимер юллары университеты
Һөнәре актёр, киноактриса, сценаричы, алыпбаручы, пырадүсир, телеалыпбаручы, телевизион актёр, игрок КВН

Commons-logo.svg Сергей Светлаков Викиҗыентыкта

Сергей Юрьевич Светлаков (1977 елның 12 декабре, Свердловск, ССРБ) — Россия кино һәм телевидение актёры, телетапшырулар алып баручы, продюсер, сценарийлар язучы. «Уральские пельмени» КВН командасы катнашучысы (2000—2009).

Тормыш юлы[үзгәртү | вики-текстны үзгәртү]

Сергей Светлаков 1977 елның 12 декабрендә Свердловскта туган.

Екатеринбургтагы 2 нче номерлы мәктәпне (хәзер 155 нче номерлы гимназия) тәмамлый. Укудан тыш, мәктәп елларында Светлаков футбол һәм баскетбол белән дә шөгыльләнә, алга таба гандбол буенча спорт мастерлыгына кандидат була. Сергейның әти-әнисе улының һөнәри эшчәнлекләрдә эзтабар булуын таләп итә: әтисе машинист ярдәмчесе була, ә әнисе Свердловск тимер юлы идарәсендә эшли[1].

2000 елда Екатеринбургта «Тимер юл транспортында икътисад» белгечлеге буенча Урал дәүләт тимер юллары университетын тәмамлый. Вузда КВН командасы оештырылган була, анда Сергей «Институт рыцаре» конкурсында җиңеп, капитан була. Командада Сергей Светлаков ике елга якын уйный — КВН шул вакыт эчендә аның өчен беренче мөһим шөгыль була. Шуның аркасында аның укуы белән җитди проблемалар барлыкка килә. Светлаков университетта укыган вакытта автор сыйфатында популяр «Уральские пельмени» командасы белән хезмәттәшлек иткән. Алга таба ул аның составына керә, 2000 елда ук команда Югары КВН лигасы чемпионы була[1]. Сергей Светлаков жюрига 2004 елның Югары КВН лигасының икенче 1/8 финалына чакырылган. Соңрак билгеле булганча, импровизация буларак күренгән бу гамәл «Добрянки» чыгышының алдан әзерләнгән өлеше булган һәм алып баручы Александр Масляков тарафыннан хупланган[2].

Сергей Светлаков Сочида узган «Кинотавр» кинофестивалендә, 2011 ел.

Мәскәүгә күчкәч, Светлаков КВН белән хезмәттәшлеген тәмамламый. Гарик Мартиросян, Семён Слепаков, Артур Тумасян һәм Сергей Ершов белән ул КВН командалары өчен сценарийлар яза. Бу иҗади коллектив Россиядә Comedy Club шоуына башлангыч куя[1].

2008 елда «Прожекторперисхилтон» программасында башка алып баручылар — Иван Ургант, Александр Цекало һәм Гарик Мартиросян белән бергә алып бару Светлаков өчен зур уңыш була, программа Первый каналның уңышлы проектларының берсе булып тора, «ТЭФИ»ның дүрт бүләген ала.

Сергей Светлаков һәм Comedy Club башка катнашучылары Россия президенты Дмитрий Медведев белән очрашуда

2009 елда «Уральские пельмени» командасыннан китә, чөнки үз проектларына игътибар итәргә теләгән.

2009—2010 елларда Сергей «Көньяк Бутово» программасының төп гамәлдәге затларының берсе була.

2012 елның ноябрендә Сергей Светлаков Латвиядә яшәүгә рөхсәт ала һәм Юрмалада ике катлы йорт иясе була[3].

2018 елның 22 гыйнварында «СТС Медиа» генераль директоры Вячеслав Муругов Сергейның ТНТ телеканалыннан китеп, СТСка күчүен хәбәр итә[4].

2020 елның ноябрь уртасында Светлаков коронавирус белән авырый. Аның югары температура һәм көчле баш авырту ачыклана[5].

Гаилә[үзгәртү | вики-текстны үзгәртү]

  • Әтисе — Юрий Венедиктович Светлаков, машинист ярдәмчесе, он тарттыру заводында эшли
  • Әнисе — Галина Григорьевна Светлакова (кияүгә чыкканчы — Галушко[6]), Свердловск тимер юлында йөк ташу буенча инженер булып эшли
  • Өлкән абыйсы — Дмитрий Светлаков (1970 елда туган), бүләкләр кибете идарәчесе[7]

Шәхси тормыш[үзгәртү | вики-текстны үзгәртү]

  • Беренче хатыны — Юлия Светлакова (Ворончихина) (университетта бергә укыганнар, бергә Мәскәүгә күченгәннәр, 2012 елда аерылышалар[8])
    • Кызы — Анастасия Сергеевна Светлакова (2008 елның 12 декабрендә туган)[9]
  • Икенче хатыны — Антонина Чеботарёва. Краснодарда «Таш» кинофильмы премьерасында танышканнар. 2011 елдан очрашалар, 2013 елда Прибалтикада язылышалар[10]
    • Улы — Иван Сергеевич Светлаков (2013 елның 18 июлендә туган)[11][12]
    • Улы — Максим Сергеевич Светлаков (2017 елның 16 июлендә туган)[13].

Телевидениедә[үзгәртү | вики-текстны үзгәртү]

  • «Уральские пельмени» КВН командасы катнашучысы (2000—2009).
  • ТНТ телеканалында «Наша Russia» юмористик проектында катнашучы.
  • «Первый канал» генераль директоры Хезмәте каршындагы махсус проектлар бүлеге сценаристы (2004—2006)[14], «Иван Ургант белән яз» шоуының сценаристы һәм актёры (2006)[15].
  • «Первый канал»да «Прожекторперисхилтон» программасын алып баручы (2008—2012, 2017).
  • «Первый канал»да «Көньяк Бутово» шоуында катнашучы (2009—2010).
  • СТС телеканалында «„Уральские пельмени“ шоуы» юмористик тамашасында катнашучы (2009).
  • ТНТ телеканалында карт Митрич ролендә «Comedy Club» резиденты (2010—2011).
  • «Страна в ЅНОРе» юмористик сериалының продюсеры һәм катнашучысы (2013).
  • 2013 елның көзеннән 2018 елның мартына кадәр «Билайн» мобиль операторы рекламасында төшерелә.
  • Глюкозаның «Танцуй, Россия» клипында катнаша (2008).
  • ТНТ каналында «Танцы» тамашасының жюри әгъзасы (2014—2017).
  • ТНТдагы «Comedy Баттл» тамашасының жюри әгъзасы (2012—2016).
  • «Дан минуты» тамашасының жюри әгъзасы (2017).
  • «Аллага шөкер, син килдең!» шоуның продюсеры һәм судьясы (2018—2019).
  • СТС телеканалында «Руслар көлми» комедия тамашасын алып баручы (2019).
  • 2019 елда «Райффайзен» банкы рекламасында төшә.
  • СТС телеканалында «Форт Боярд» тамашасында катнаша (2019).
  • СТС телеканалында «Якты яңалыклар» үз-үзеңне изоляцияләү режимында шоуның авторы һәм алып баручысы (2020).
  • СТС телеканалында «Тулы Блэкаут» тамашасын алып баручы (2020 елдан).

Концертлар алып баручысы

  • 01.01.2010; 01.01-30.12.2018; 29.12.2019; 02.01.20021 — «Алтын граммофон» халык премиясен тапшыру тантанасы («Первый канал»)[16]
  • 31.12.2008 — «Иске елны озату» («Первый канал»)
  • 01.01 һәм 31.12.2009 — «Беренче каналдагы Яңа ел төне» («Первый канал»)
  • 2010 — Салым органнары хезмәткәрләре көненә багышланган бәйрәм концерты («Первый канал»)
  • 27.08.2011 — зур бәйрәм концерты («Первый канал»)
  • 2012 — «Украина миссы» (Интер)[17]
  • 2013 — «Россия гүзәле» (НТВ)[18]

Фильмография[үзгәртү | вики-текстны үзгәртү]

Ел Исеме Роль
2010 ф Наша Russia. Яйца судьбы Леонид, прораб; Снежана Денисовна, укытучы; Славик, яшүсмер; Сифон, бомж; Иван Дулин, металлург-гей; Николай Лаптев, ришвәт алмаган юл-патруль хезмәте хезмәткәре; телевизор белән сөйләшүче Сергей Юрьевич Беляков
2010 ф Чыршылар Евгений Павлович
2010 ф Бриллиант кул 2 Семён Семёнович Горбунков
2011 ф Чыршылар 2 Евгений Павлович
2011 ф Треск кызылармияче
2011 ф Бедуин врач
2012 ф Таш Пётр Найдёнов (Таш)
2012 ф Джунгли Сергей
2013 ф Страна в Shope Шоу бизнесмен
2013 ф Горько! камео, туйда алып баручы
2013 ф Чыршылар 3 Евгений Павлович
2014 ф Горько! 2 камео
2013—2014 ф Онытылмас роман 2 Павел, Мария ире
2014 ф Тиз йөрешле «Мәскәү-Россия» Сергей
2014 ф Чыршылар 1914 Евгений Павлович
2016 ф Кияү Толя, Алёнаның элеккеге ире
2016 ф Чыршылар 5 Евгений Павлович
2017 ф Яңа чыршылар Евгений Павлович
2018 ф Соңгы чыршылар Евгений Павлович
2021 ф Love Борис
2022 ф Чыршылар 8 Евгений Павлович

Дубляж[үзгәртү | вики-текстны үзгәртү]

  • 2009 — Югалган дөнья — Доктор Рик Маршалл (Уилл Феррелл)

Эшмәкәрлек[үзгәртү | вики-текстны үзгәртү]

Сергей Исаев һәм энесе Дмитрий Светлаков белән бергә Екатеринбургта көлкеле һәм үзенчәлекле бүләкләр белән сәүдә итүче кибетләр челтәрен ача, бүләкләрне алар үзләре ясаганнар. Кибетләр үзен аклый алмаган, шуңа күрә берничә айдан соң ябылган[19][20].

Киевта «Ишак» ресторанын[21], Алматыда һәм Астанада «Золото» рестораннарын ача.

«Цвет Диванов» җиһаз компаниясе, «Согаз» иминият төркеме, «Кольцо Урала» банкы рекламасында[22], шулай ук «World of Tanks» компьютер уены рекламасында төшерелә. «Билайн» кәрәзле элемтә операторының, «Fix-Price» кибетләре челтәренең реклама йөзе. Модель Алёна Крюкова белән берлектә Finn Flare кием-салым кибетләренең йөзе була.

2013 елда Сергей Светлаков Санкт-Петербургта «Мой...Pizza» пиццериялар челтәрен ача.

Искәрмәләр[үзгәртү | вики-текстны үзгәртү]

  1. 1,0 1,1 1,2 Биографии звёзд на Cosmo.ru: Сергей Светлаков. әлеге чыганактан 2012-05-11 архивланды.
  2. Судьба Сергея Светлакова. amik.ru (2004-06-10). әлеге чыганактан 2012-02-24 архивланды.
  3. Гарик Мартиросян хочет переехать в Латвию к Сергею Светлакову // NEWSru.com, 22 июля 2013
  4. Светлаков и Незлобин уйдут с ТНТ на СТС
  5. Заболевший коронавирусом Светлаков рассказал о сильных болях
  6. Светлаков: «Открою в Киеве свой ресторан»
  7. Сергей Светлаков: мама пекла нам пирожки с молитвой. әлеге чыганактан 2011-11-01 архивланды.
  8. Мария Ремизова (2012-07-05). Сергей Светлаков разводится.
  9. Сергей и Юля Светлаковы: Наша Nastia
  10. Сергей Светлаков: жены и личная жизнь актера. wellnesso.ru.
  11. Сына Сергея Светлакова и Антонины Чеботарёвой заметили папарацци. әлеге чыганактан 2013-12-03 архивланды.
  12. Антонина Чеботарёва родила сына Сергею Светлакову. әлеге чыганактан 2013-12-02 архивланды.
  13. Сергей Светлаков о том, почему скрывал рождение сына: "Никто не знал о Максиме? Значит друзья - друзья!".
  14. Сергей Светлаков, актёр. Дом кино.
  15. Актёр скетчкома «Наша Russia» Сергей Светлаков в гостях у шоу «Ранеты». Маяк (2011-06-07).
  16. Золотой граммофон 2017: Лорак, Гагарина и Лобода порадовали гостей музпремии откровенными нарядами. Комсомольская правда (2017-11-12).
  17. Мисс Украина — 2012. Интер.
  18. Мартиросян и Светлаков «пытали» красавиц вопросами о футболе на «Мисс Россия». РИА Новости (2013-03-03).
  19. Комик Светлаков обанкротился (фото) — Газета «ФАКТЫ и комментарии»
  20. Светлаков свернул бизнес из-за банкротства
  21. Киевляне ополчились против ресторанов Лепса и Светлакова — Недвижимость@Mail.Ru. әлеге чыганактан 2013-12-13 архивланды.
  22. Red Pepper снял Светлакова в рекламе банка «Кольцо Урала»

Сылтамалар[үзгәртү | вики-текстны үзгәртү]