Балтач таңнары

	Балтач таңнары
	Балтачевские зори
Tөр	Иҗтимагый-сәяси
Гамәлгә куючы	Башкортстан Республикасының Матбугат һәм киң мәгълүмат чаралары агентлыгы
Нәшер итүче	Башкортстан Республикасының «Балтач таңнары» редакция-нәшрият комплексы дәүләт-унитар предприятиесе
Баш мөхәрир	Рөстәм Вәлиев
Штат корреспондентлары	14
Нигезләнгән	1931
Тел	татар теле
Төп офис	Русия, Башкортстан, Балтач районы, Иске Балтач авылы, Комсомольская ур., 2
Тиражы	~ 6 мең
	Веб-сайт: http://baltach.ru/

Татар матбугаты порталы

Балтач таңнары - татар телендә Башкортстанның Балтач районында нәшер ителүче дәүләт иҗтимагый-сәяси газетасы. "Матбугатның алтын фонды - 2012" (рус. "Золотой фонд прессы - 2012") бүләге иясе.

1931 елдан башлап чыгучы газета – бай тарихлы, данлы матбугат басмасы . Бүгенге көндә «Балтач таңнары» татар телендә 6 000 данәдә чыгып килә. Райондагы марилар белән удмуртлар да алдырып укый^[1]. Редакция каршында башк. «Танып тулҡынҙары» атналык газетасы чыга. Тиражы 450 данә.

Тарих[үзгәртү | вики-текстны үзгәртү]

«Генераль сызык очен» — 1931 — 1946 еллар. Баштагы өч елда бу басма күршедәге Тәтешле һәм Аскын районнары халкына да таратыла.
«Җиңү байрагы» — 1946 — 1991 еллар
«Азатлык» — 1991 — 2002 еллар
«Балтач таңнары» — 2002 елдан.

Басмаханә[үзгәртү | вики-текстны үзгәртү]

Башта районда типография булмаганлыктан, «Генераль сызык өчен» гәзите Бөредә, аннан соң Борайда басылган.

1936 елда район басмаханәсе ачыла.
1952 елда иске машиналар алмаштырла.
1962 елда линотиплар кайту эшне җиңеләйтә.
1998 елда офсет ысулы белән басу гамәлгә керә.
1998 елдан район гәҗите компьютерда әзерләнә.

Мөхәрририят[үзгәртү | вики-текстны үзгәртү]

Бөек Ватан сугышыннан соңгы елларда бу басмага талантлы мөхәррирләр Хәмит Якупов, Нурислам Нуретдинов, Рафик Бабич, Хәким Шәймөхәммәтов, Әнвәр Әхмәтҗанов, Марс Шәрипов, Әнис Таҗетдиновлар җитәкчелек итә.

2004 елдан баш мөхәррир – Рөстәм Вәлиев.

Иҗади хезмәткәрләр - шагыйрә Аида Хәертдинова, Рифина Нигимаева, Эльза Зараева, Дамир Хәертдинов^[2].

Төрле зилзиләле елларда исемнәрен берничә тапкыр алмаштырса да, район гәҗите үзенең төп кыйбласын үзгәртми – район халкына кызыклы һәм эчтәлекле язмалар, теге яки бу вакыйгалар хакында яңалыкларны көне-сәгате белән җиткереп тора.