Фатыйх Шәрипов

Фатыйх Шәрипов
Туу датасы	20 гыйнвар 1921(1921-01-20)
Туу урыны	ТАССР, Бөгелмә кантоны, Бәйрәкәтамак авылы
Үлем датасы	4 июнь 1996(1996-06-04) (75 яшь)
Үлем урыны	Питырбур
Гаскәр төре	танк
Дәрәҗә	подполковник
Җитәкчелек иткән	танк ротасы командиры
Бүләкләр һәм премияләр
Истигъфада	1951

Фатыйх Шәрипов (Фатыйх Зариф улы Шәрипов) — Советлар Берлеге Каһарманы (1944), подполковник.

Тәрҗемәи хәле

1921 елның 20 гыйнваренда ТАССР Бөгелмә кантоны (хәзерге Ютазы районы) Бәйрәкәтамак авылында туган. Бөгелмә педагогия укуханәсен (1937), Казанда танк училищесын (1940-1942), Ленинградта бронетанк һәм механикалаштырылган гаскәрләр югары мәктәбен (1946) тәмамлаган. 1937-1940 елларда авыл мәктәбендә математика укытучысы булып эшли.

Бөек Ватан сугышында

1942 елның маеннан фронтта. 40- армиянең 10- танк корпусы 183- танк бригадасы танк ротасы командиры. Брянск, Воронеж, I һәм II Украина фронтлары составында Воронеж-Косторненская, Белгород-Харкау юнәлешендә һөҗүмнәрдә, Днепрны кичүдә катнаша (1943). Яссы-Кишенәү (1944) һәм Братислава-Брно (1945) юнәлешләрендә һөҗүм хәрәкәтләрендә катнаша.

Батырлыгы

Украина ССР Киев өлкәсе Кагарлык районы Балык авылы янында Днепрны кичкәндә батырлык үрнәге күрсәтә: 1943 елның 23 сентябрендә Ф. Шәрипов җитәкчелегендәге моторота елганы кичә, плацдарм яулый, 3 тәүлек буена дошманның контрһөҗүмен кире кайтарып тора. 1944 елның 1 гыйнваренда Советлар Берлеге Каһарманы исеменә лаек була.

Сугыштан соң

1951 елда оттавкага чыга. Ленинградта диңгез укуханәсендә эшли.

Бүләкләре, мактаулы исемнәре

• Советлар Берлеге Каһарманы (1944 ел 1 гыйнвар).
• Ленин ордены.
• Ике Кызыл Йолдыз ордены.
• I дәрәҗә Ватан сугышы ордены.
• Баулы районы мактаулы ватандашы.

Хәтер

• Баулыда якташлары - Советлар Берлеге Каһарманнарына багышланган мемориаль комплекста бюсты урнаштырылган.
• Казанда Җиңү паркындагы мемориаль комплекста исеме язылган мәрмәр такта куелган.

Чыганаклар

1. Батырлар китабы - Книга Героев. Казан, 2000.
2. Советлар Союзы Геройлары – якташларыбыз: Әдәби-документаль очерклар hәм язмалар. Казан, 1990.
3. Герои Советского Союза. Мәскәү, 1987.
4. Татарская энциклопедия. В 6 т. Казан, 2010.

Сылтамалар

• Ютазы районы рәсми сайты
• ТР Бөек Ватан сугышы виртуаль музее