Әмирҗан Гәрәев

*Әмирҗан Гәрәев*
Әмирҗан Гәрәев
	200px
Туган телдә исем	Әмирҗан Хөснимәрдән улы Асылгәрәев
Туган	10 апрель 1940; Татарстан АССР, Сарман районы, Карашай-Саклау авылы
Үлгән	31 декабрь 2005 (65 яшь); Мәскәү
Милләт	татар
Ватандашлыгы	ССРБ→; Русия
Әлма-матер	Самарский государственный медицинский университет[d]
Һөнәре	хәрби табиб
Җефет	Люция
Балалар	уллары Рәшит, Дамир; кызы Алсу
Ата-ана	Хөснимәрдән (?-1941) (әти); Рәхимә (?-1998) (әни);
Бүләк һәм мөкәфәтләре	Русиянең атказанган табибы

Бу терминның башка аңлатмалары да бар, аларны карау өчен Гәрәев битенә күчегез.

Әмирҗан Гәрәев, Әмирҗан Хөснимәрдән улы Гәрәев (Асылгәрәев), рус. Гараев (Асылгараев) Амирзян Хуснимарданович (1940 елның 10 апреле, ТАССР, Ворошилов районы, Карашай-Саклау — 2005 елның 31 декабре, Мәскәү) — хәрби табиб, генерал-майор, РФ атказанган табибы, милләте — татар.

Эчтәлек

1940 елның 10 апрелендә ТАССР Ворошилов районы (хәзерге Сарман районы) Карашай-Саклау авылында туган. Әтисе, авылның балта остасы Хөснимәрдән сугышка китү белән, һәлак була. Әнисе Рәхимә ике баланы берүзе тәрбияләп үстерә. Әмирҗан кечкенәдән табиб булырга хыяллана. Карашай-Саклау мәктәбен (1954), кызыл дипломга Минзәлә медицина училищесын (1959) тәмамлый. 1959-1961 елларда хәрби хезмәтен Куйбышев (хәзерге Самар) шәһәрендә үтә. Шунда ук «нерв авырулары табибы» белгечлеге буенча медицина институтын (1967) тәмамлый. Самар медицина институтында яңа ачылган хәрби-медицина факультетында ике ел белемен күтәрә.

1970-1975 елларда Алмания Демократик Җөмһүриятендә Варшава килешүе илләре гаскәрләре составында хәрби табиб булып хезмәт итә.
1976-1982 елларда Пятигорск шәһәрендә ССРБ саклану министрлыгының санаториенда табиб булып хезмәт итә.
1982-1993 елларда Мәскәүдә ССРБ иң югары дәүләт, хөкүмәт җитәкчеләренә медицина хезмәте күрсәтү үзәгендә эшли.
1993-2005 елларда халык медицинасының Бөтенрусия армия үзәге җитәкчесе.

Хатыны Люция.

уллары Рәшит, Дамир, югары медицина белеме алганнар.
кызы Алсу, Плеханов исемендәге икътисад академиясен, Оксфорд көллиятен тәмамлаган.