Кавказ

Bu mäqäläneñ Latin älifbasındağı igezäge bar.

Космостан күренеш

Кавказ таулары — Аурупа һәм Азия чикләрендә урнашкан таулар. Кара, Азак һәм Каспий диңгезләре арасында урнашкан.

Гадәттә Кавказ өч регионга бүленә: Кавказ яны, Төньяк Кавказ һәм Кавказ арты. Кавказ территориясе дүрт дәүләт арасында бүленгән: Русия, Әрмәнстан, Грузия (шул исәптән Абхазия һәм Көньяк Осетия) һәм Азәрбайҗан.

Халык

Халыклар

Кавказ халыклары телләре буенча 3 төп төркемгә бүленәләр:

• Кавказ тел гаиләсе халыклары:
  • Картвель төркеме: грузиннар (мегреллар, сваннар, лазлар)
  • Абхаз-адыгэ төркеме: абазиннар, абхазлар, адыгэлар (кабардиннар, чиркәсләр)
  • Нах-дагстан төркеме:
    • Нах телләре: ингушлар, чеченнар
    • Дагстан телләре: аварлар, агуллар, арчиннар, андийлар, ахвахлар, багулаллар, ботлихлар, бежтиннар, будухлар, гинухлар, годобериннар, гунзиблар, даргиннар, дидойлар, каратиннар, крызлар, лаклар, лезгиннар, рутуллар, табасараннар, тиндиннар, удиннар, хваршиннар, хиналуглар, цахурлар, чамалаллар һ.б.;
• Алтай телләре гаиләсе халыклар:
  • Төрки телле халыклар: азәрбайҗаннар, балкарлар, карачайлар, комыклар, ногайлар һәм месхет төрекләре.
• Һинд-аурпа телләре гаиләсе халыклары:
  • Иран тармагы: тау яһүдиләре, көрдләр, осетиннар, талышлар һәм татлар;
  • Башкалар: әрмәннәр, греклар, руслар;

Дин

Төп диннәр булып ислам (сөнни һәм шигый) һәм христианлык (православие һәм Әрмән апостол чиркәве) булып тора. Иудаизм (ашкеназлар, лахлухлар, тау яһүдиләре) һәм езидлык (көрдләрнең бер өлеше) динен тотучы халыклар да бар.