Җырлар дәфтәре

«Җырлар дәфтәре» - Габдулла Тукайның Җаекта яшәгән чагында үз кулы белән төзелгән татар халык җырлары җыентыгы.

Тарих

Тукай 1896 елдан Җаекта рус классына русча өйрәнергә йөри башлый һәм, замандашлары истәлекләренә караганда, шул чаклардан ул халык җырларын дәфтәрләренә терки бара. 1946 елда бер дәфтәр табыла, ул зәңгәр тышлы гади мәктәп дәфтәре була, ә тышлыгына Тукай үзе «Тетрадь для списывания ученика 1-го класса А.М.Тукаева» дип язып куйган була. Җыентык 27 җыр текстыннан торган.

Тукай бу җыентыкны аерым китап итеп чыгарырга да теләгән. Ул кулъязманы Бертуган Шәрәфләр нәшриятына тапшырган да була, ләкин соңыннан бу уеннан баш тарта.

Җыентык беренче тапкыр «Г.Тукай. Халык әдәбияты» дип исемләнгән китап составында басылган, аннары 1955 елда Габдулла Тукай әсәрләренең беренче дүрт томлыгының 2 томына, шулай ук 1985 елда икенче биштомлыкның 2 томына кертелә.

Эчтәлек

1. «Кәримкәй көе»
2. «Сәлим бабай» көе
3. «Аксак Йосып» көе
4. «Фатима» көе
5. «Аргымак» көе
6. «Сандугач» көе
7. «Озын Эрбет» көе
8. «Сәгать чылбыры» көе
9. «Бәшир» көе
10. «Кузай» көе
11. «Солдат» көе
12. «Латифә» көе
13. «Майлау» көе
14. «Яңа сәфәр» көе
15. «Сибиряклар» көе
16. «Эстәрле» көе
17. «Хан кызы» көе
18. «Шомрай» көе
19. «Гыйззелбану» көе
20. «Бөгелмә» көе
21. «Япон» көе
22. «Ситдыйк солдат» көе
23. «Ак бүрек» көе
24. «Сасы борын» көе
25. «Ай җаный, каласың» көе
26. «Сәрмәсән буе» көе
27. «Җырчы Фәхри» көе
28. «Агыйдел» көе
29. *** (Сахраларга чыктым...)
30. *** (Биек тә лә тауның...)

Чыганак

• Габдулла Тукай. Әсәрләр / төзүчеләр һәм редакторлар: Гали Халит, Рашат Гайнанов, Рәис Даутов. — Казан: Татарстан китап нәшрияты, 1985. — Т. 2.
• http://gabdullatukay.ru/works/songs-book/