Мәсгут Галиуллин
| Мәсгут Галиуллин | |
|---|---|
| Тугач бирелгән исеме: | Мәсгут Нәбиулла улы Галиуллин |
| Псевдонимнар: | Г. Мәсгут |
| Туу датасы: | 22 июнь 1907 |
| Туу урыны: | РИ, Уфа губернасы, Уфа өязе, Нөрле |
| Үлем датасы: | 1 гыйнвар 1944 (36 яшь) |
| Үлем урыны: | ССРБ, РСФСР, БАССР, Уфа |
| Ватандашлык: |  Русия империясе→ РСФСР→ ССРБ |
| Эшчәнлек төре: | шагыйрь, журналист |
| Иҗат итү еллары: | 1923—1944 |
| Юнәлеш: | поэзия, публицистика |
| Жанр: | поэма, шигырь |
| Иҗат итү теле: | татар |
| Дебют: | «Авыл гыйшыклары» (1928, Уфа) |
Мәсгут Галиуллин, Мәсгут Нәбиулла улы Галиуллин (псевдонимы Г. Мәсгут, Гали Мәсгут, 1907 елның 22 июне, РИ, Уфа губернасы, Уфа өязе, Нөрле — 1944 елның гыйнвары) — шагыйрь, БАССР Чишмә районы «Сталинчы» (хәзерге «Чишмә») гәҗитенең җаваплы сәркатибе (1939—1940). БАССР язучылар берлеге әгъзасы.
Тәрҗемәи хәле
[үзгәртү | вики-текстны үзгәртү]1907 елның 22 июненда Уфа губернасы Уфа өязе (хәзерге БР Уфа районы) Нөрле авылында мулла гаиләсендә туган. Башлангыч белемне туган авылында алган. Урал шахталарында берничә ел забойчы булып хезмәт куйган. 1932—1936 елларда Мәскәү өлкәсе Люблино шәһәр тибындагы бистәсендә Л. М. Каганович исемендәге кою-механика заводының (МОЖЕРЕЗ заводы)[1] мартен цехында эшләгән. 1939 елдан БАССР Чишмә районы «Сталинчы» (хәзерге «Чишмә») гәҗитенең мөхәррир урынбасары, җаваплы сәркатибе. 1944 елның гыйнварында Уфада вафат була.
Иҗаты
[үзгәртү | вики-текстны үзгәртү]1923—1924 елларда иҗат итә башлый. Беренче шигырьләрен Чишмә районының «Сталинчы»[2], «Яшь юксыл», «Яңа авыл» гәҗитләрендә бастыра. Авылдагы яңа үзгәрешләргә багышланган шигырьләреннән төзелгән беренче «Авыл гыйшыклары» җыентыгы 1928 елда Уфада татар телендә басыла. Эшче хезмәтен мактаучы «Урал турында» исемле икенче шигырьләр җыентыгы (шигырьләр көлтәсе [3]) Мәскәүдә шулай ук татар телендә басыла. Шахтада, мартен мичендә озак еллар эшләү тәҗрибәсе шигъриятенә сәнәгать темасын алып керүгә этәргеч бирә. «Авыл хәбәрчесе» поэмасында 1920-еллар яшьләренең алдынгы вәкиле образын бирә. 1930-еллар уртасыннан балалар өчен дә шигырьләр, әкиятләр иҗат итә башлый. БАССР шагыйрьләре бергәләп язган «Орденлы Башкортстан» күмәк поэмасын иҗат итүдә катнаша.
Китаплары
[үзгәртү | вики-текстны үзгәртү]- Авыл гыйшыклары. Уфа, 1928.
- Урал турында: шигырьләр көлтәсе. М., Центриздат, 1930.
- Мартен яктысы. Уфа, 1940.(башк.)
- Әкиятләр. Уфа, 1940.(башк.)
Әдәбият
[үзгәртү | вики-текстны үзгәртү]- М. Гайнуллин, Г. Хусаинов. Писатели советской Башкирии. Уфа: БКИ, 1977, с. 250.
Сылтамалар
[үзгәртү | вики-текстны үзгәртү]- Галиуллин Масгут Набиуллович 2019 елның 29 июнь көнендә архивланган.(рус.)
Искәрмәләр
[үзгәртү | вики-текстны үзгәртү]- ↑ История Люблинского литейно-механического завода(рус.)
- ↑ На пульсе времени. 2017 елның 5 апрель көнендә архивланган. Сайт «Родник плюс»(рус.)
- ↑ Суфиян Сафуанов. Масгут Г.(үле сылтама) Башкирская энциклопедия(рус.)