Француз Гвианасы

Француз Гвианасы фран. Guyane Байрак Илтамга Дәүләт төзелеше Франциянең диңгез арты департаменты Рәсми тел француз теле Башкала Кайенна (Cayenne) Мәйдан 83534 км² Халык саны – Барлыгы – Тыгызлык 236250 (2011) кеше 2,7 кеше/км² Акча [[Евро]] Тулаем эчке продукт €3,2 миллиард ТЭП кеше башына €14204 (US $20904) Вакыт UTC -3 Пәрәвез домены .gf Телефон коды 594

Гвиана (еш кына Француз Гвианасы (фран. Guyane Française) дип атала) – Франциянең диңгез арты территорияләреннән иң эресе. Көньяк Американың төньяк-көнчыгышында урнашкан. Административ үзәге – Кайенна шәһәре. Көнбатышта Суринам белән, көньякта һәм көнчыгышта Бразилия белән чиктәш, төньякта һәм төньяк-көнчыгышта Атлантик океан сулары белән юыла.

Тарих

• 1499 – Гвиана испаннар тарафыннан ачыла, ләкин аларның игътибарын җәлеп итми.
• 1604 – беренче француз колонистларының урнашуы. Алар плантация хуҗалыкларына эшче көч буларак негрларны китерәләр.
• 1848 – Франциядә коллык юкка чыгарыла.
• 1852 – Гвиана Франциянең сөрген җиренә әйләндерелә.
• 1855 – алтын чыганаклары табыла.
• 1946, 19 март – Гвиана Франциянең диңгез арты департаментына әйләндерелә.
• 1964 – экваторга якынлыгы аркасында Гвианада Франциянең космодромы төзелүе турында карар кабул ителә.

Сәяси корылыш

Француз президенты департамент белән идарә итүче префектны билгели.

Гвианы халкы Франциянең парламенты булган Милли Ассамблеяга ике депутат һәм бер Франция сенаторын сайлыйлар.

Җирле хакимиятне Гвиана халкы сайлап куючы Генераль Шура (19 әгъза) һәм Җирле Шура (34 әгъза) башкара.

Халык

Департаментның халкы яр буенда урнашкан тар җир тасмасында яшиләр. Эчке территорияләр нигездә кешесез.

Халыкның яртысыннан артыгы – мулатлар (креоллар). Алардан соң сан буенча ак кешеләр (12%), һиндстанлылар, кытайлар, негрлар һәм индеецлар бара.

Табигый ресурслар һәм икътисад

Алтын, бокситлар, нефть, ниобий, тантал запаслары бар, ләкин бокситлар гына табыла, шулай ук аз күләмдә алтын һәм тантал (индивидуаль рәвештә).

Территориянең 90%тан артыгы урманнар белән капланган.

Шикәр камышы үстерелә, тулысынча диярлек ром җитештерүгә китә. Шулай ук бананнар, дөге, маниока, цитруслар үстерелә.