Эчтәлеккә күчү

Гитанас Науседа

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Гитанас Науседа latin yazuında])
Гитанас Науседа
Литва президенты
Вазыйфага керешкән
2019 елның 12 июле
Премьер-министр Саулюс Сквернялис
Ингрида Шимоните
Аңа кадәр Даля Грибаускайте
Шәхси мәгълүмат
Туган 19 май 1964(1964-05-19) (60 яшь)
СССР, Литва ССР, Клайпеда
Сәяси фирка бәйсез
Җефет Диана Непайте-Науседене[d]
Белем Вильнюс университеты

Гита́нас Наусе́да (литв. Gitanas Nausėda; 1964 елның 19 мае, СССР, Литва ССР, Клайпеда) — Литва дәүләт һәм сәясәт эшлеклесе. 2019 елның 12 июленнән Литва байрагы Литва Республикасы президенты.

Тәрҗемәи хәле

[үзгәртү | вики-текстны үзгәртү]

1964 елның 19 маенда Клайпеда шәһәрендә туган. Әтисе Антанас Науседа (1929), инженер, Клайпеда целлюлоза-кәгазь комбинаты баш энергетигы; әнисе Стасе Науседене (1932—2014), физика-математика укытучысы. Кыз туганы Вилия Науседайте (1959), икътисадчы.

1970—1981 елларда Клайпеданың 5нче санлы урта мәктәбендә укыган. 1971 елдан башлап Клайпеда музыка мәктәбендә шөгыльләнә («Gintarėlis» малайлар хорында җырлый).

1982—1987 елларда — Вильнюс университетының(ингл.)татар. сәнәгать икътисады факультетында укый.

1987—1989 елларда — икътисад факультеты аспиранты (җитәкчесе — профессор Владас Астраускас). 1987—2004 елларда — Вильнюс университетының икътисад факультеты укытучысы.

1990—1992 елларда — DAAD программасы буенча Алманиянең Мангейм университетында(ингл.)татар. практика уза.

1992—1993 елларда — Икътисад һәм хосусыйлаштыру институтының өлкән фәнни хезмәткәре. 1993 елда «Инфляция һәм стагфляция шартларында салым сәясәте юнәлешләре (Литва мисалында)» темасына иҗтимагый фәннәр буенча докторлык диссертациясен яклап, социаль фәннәр өлкәсендә докторлык дәрәҗәсен ала[1].

1993—1994 елларда — Бәяләр һәм конкуренция буенча дәүләт идарәсендә финанс базары бүлеге башлыгы, «Lietuvos rytas» («Литва иртәсе») гомуммилли газетасы өчен икътисади колонка алып баручы. 1994 елда Бундестагта (Бонн) стажировка уза.

1994—1996 елларда — «Литва банкы»ның(ингл.)татар. коммерция банкларын күзәтү бүлеге башлыгы урынбасары.

1996—2000 елларда — «Литва банкы»ның Акчалата-кредит сәясәте департаменты директоры. 1998—2000 елларда — «Литва банкы» идарәсе әгъзасы[2][3]. 1998 елда Вашингтонда Бөтендөнья банкында стажировка үткән.

2000—2008 елларда — AB Vilniaus Bankas идарәсе рәисе киңәшчесе.

2004 елдан 2009 елга кадәр — Литва Президенты Валдас Адамкус(ингл.)татар. киңәшчесе.

2009 елдан – Вильнюс университетының халыкара бизнес мәктәбе доценты.

2008—2018 елларда — «SEB Bankas» Президенты киңәшчесе, банкның баш икътисадчысы.

Туган теленнән тыш, инглиз, алман, рус телләрендә камил сөйләшә[4].

Сәяси карьера

[үзгәртү | вики-текстны үзгәртү]

2004 елда Литваның элеккеге президенты Валдас Адамкусның сайлау кампаниясен хуплый.

2018 елның 17 сентябрендә Гитанас Науседа 2019 елда узачак Литва президентын сайлауларда үзенең кандидатурасын куюы турында игълан итә[5].

2019 елгы Президент сайлауларының беренче турында, 30,95 % тавыш җыеп, икенче урынны ала. 2019 елның 26 маенда Президент сайлауларының икенче турында көндәше Ингрида Шимонитены җиңеп, 65,86 % тавыш җыя[6] һәм 2019 елның 12 июленнән президент вазифасын үтәүгә керешә.

2024 елда Литвада узган президент сайлауларында[d] беренче турда сайлаучыларның 44,30%, икенче турда 75,58% тавышларын алып, икенче турга чыккан кандидат премьер-министр Ингрида Шимонитены җиңгән[7]

Гаиләсе

[үзгәртү | вики-текстны үзгәртү]

Хатыны Диана Непайте-Науседене (1964), инженер-техник. Балалары: кызлары Гедайле, Угне[8].

Искәрмәләр

[үзгәртү | вики-текстны үзгәртү]
  1. ↑ Lietuvos mokslo potencialas
  2. ↑ 285 Dėl Lietuvos banko valdybos narių skyrimo
  3. ↑ 761 Dėl Lietuvos banko valdybos nario Gitano Nausėdos atsistatydinimo
  4. ↑ G.Nausėdos kelias į ekonomiką aplaistytas ašaromis Delfi, February 24, 2010
  5. ↑ Lithuanian opposition party names favorites for presidential election 2020 елның 26 ноябрь көнендә архивланган. Xinhua, September 18, 2018.
  6. ↑ Будущий президент Литвы призвал сменить риторику в отношении России.
  7. ↑ Президент Литвы Науседа победил во втором туре президентских выборов. РБК, 26.05.2024(рус.)
  8. ↑ D. Nausėdienė: Gitanas man pateikė viliojantį pasiūlymą, kurio negalėjau atsisakyti Delfi, October 31, 2015

Сылтамалар

[үзгәртү | вики-текстны үзгәртү]


 
Литва байрагы Литва дәүләт башлыклары
Президентлар (1919―1940) Сметона  • Стульгинскис  • Гринюс  • Стаугайтис (в.б.)  • Стульгинскис  • Сметона  • Меркис (в.б.)  • Палецкис (в.б.)  • Жямайтис (в.б.)
Литва КП беренче секретарьлары Снечкус  • Гришкявичюс  • Сонгайла  • Бразаускас
Президентлар (1990 елдан) = Ландсбергис  • Бразаускас  • Адамкус  • Паксас  • Паулаускас (в.б.)  • Адамкус  • Грибаускайте  • Науседа
 Бу мәкаләне Калып:АБ илләре башлыклары мәкаләсе белән берләштерергә тәкъдим ителә
Сәбәпләр һәм бәхәс Википедия:Берләштерүгә сәхифәсендә.
Бәхәс бер атна бара (шулай ук озаграк була ала).
Бәхәс башланган көн – 5.08.2024.
Чыганак — https://tt.wikipedia.org/w/index.php?title=Гитанас_Науседа&oldid=4156857