1994 елгы дөнья футбол чемпионаты

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/1994 елгы дөнья футбол чемпионаты latin yazuında])
Навигациягә күчү Эзләүгә күчү
1994 елгы дөнья футбол чемпионаты
Тулылыклар
Кабул итүче ил Америка Кушма Штатлары
Вакыт 17 июн 1994 — 17 июл 1994
Такымнар 24
Үткәрү урын(нары) 9 (9 шәһәрдә)
Урыннар
Чемпион  Бразилия
Икенче урын  Италия
Өченче урын  Швеция
Дүртенче урын  Болгария
Ярыш статистикасы
Уйналган мачлар 52
Кертелгән туплар 141 (бер мачта 2.71)
← [[]]
[[]] →

1994 елгы дөнья футбол чемпионаты (ингл. Football World Cup 1994) — 1994 елда узган унбишенче ФИФА дөнья футбол чемпионаты Чара 17 июньнән 17 июльгә кадәр АКШның тугыз шәһәрендә (Пасадена, Стәнфорд, Понтиак, Ист-Рутерфорд, Даллас, Чикаго, Орландо, Фоксборо һәм Вашингтон) үткәрелгән.

Ярышта 24 җыелма такым катнашкан, шуларның 12 - Аурупадан, 4 - Көньяк Америкадан, 3 - Африкадан, 3 - Азиядән, 2 - Төньяк Америкадан. Юнанстан, Нигерия һәм Согуд Гарәпстаны милли футбол җыелмалары дөнья чемпионтларында беренче тапкыр катнашканнар.

Ярыш ике этаптан торган: беренче этапта 24 такым алты төркемгә бүленеп, әйләнмә система буенча уйнады. Икенче этапта төркемнәрдә беренче ике урын алган такымнар һәм иң яхшы нәтиҗәләрен күрсәткән 4 өченче урын алган такым «җиңелгән очракта төшеп калу» системасы буенча җиңүчене ачыклаганнар.

Барлыгы 52 уен уйналган, 141 туп кертелгән. Иң күп туп кертүчеләр: Христо Стоичков (Болгария), Олег Саленко (Рәсәй) - 6 туп, Ромарио (Бразилия), Роберто Баҗо (Италия), Юрген Клинсманн (Алмания), Кеннет Андерссон (Швеция) - 5 туп.

Финалда Бразилия җыелмасы Италияне матчтан соңгы пинәлти сериясендә 3:2 (матчның төп һәм өстәмә вакыты 0:0 исәбе белән тәмамланган) исәбе белән җиңеп, дүртенче тапкыр дөнья чемпионы исеменә лаек булган. Өченче урын өчен матчында Швеция футбол җыелмасы Болгарияне 4:0 исәбе белән җиңгән.