Николай Шверник

Николай Шверник
Туган телдә исем	рус. Николай Шверник
Туган	19 май 1888(1888-05-19) Санкт-Петербург, Россия империясе
Үлгән	24 декабрь 1970(1970-12-24) (82 яшь) Мәскәү, СССР, РСФСР
Күмү урыны	Мәскәү кирмәне диварының некрополе[d]
Ватандашлыгы	Россия империясе  СССР
Һөнәре	сәясәтче, профсоюз (һөнберлек) эшлеклесе
Сәяси фирка	Советлар Берлеге коммунистик фиркасе һәм Россия социал-демократик эшчеләр фиркасе
Балалар	Шверник, Людмила Николаевна[d] һәм Зиба Ганиева
Катнашкан сугышлар/алышлар	Алман-совет сугышы
Николай Шверник Викиҗыентыкта

Николай Шверник (рус. Николай Михайлович Шверник, 7 (19) май 1888(18880519), Санкт-Петербург — 24 декабрь 1970, Мәскәү) — Совет сәясәт эшлеклесе.

БҮБК һәм ССРБ ҮБК әгъзасы, ССРБ Югары Шурасы депутаты (1-6 чакырылышлары). Социалистик Хезмәт каһарманы (1958).

Тәрҗемәи хәле

Санкт-Петербургда күпбалалы эшчеләр гаиләсендә туган. Рус милләтеннән. Чиркәү-мәхәллә мәктәбен, аннары һөнәрчелек училещесын тәмамлаган. 14 яшьтә электромеханика заводында кырдыручы ярдәмчесе булып эшли башлый. 1905 елда РСДРП фиркасенә кушыла. Санкт-Петербургда, Николаевта, Тулада, Самарда фиркави агитация алып бара. Өч мәртәбә сөрген ителә. Февраль инкыйлабын Сарытауда каршы ала.

Сәяси карьера

• 1917 дән Самарда завод комитеты рәисе, Самар шурасы башкармасы президиумы әгъзасы.
• 1918-1921 дә Кызыл Гаскәрдә хәрби-сәяси эштә.
• 1921-1923 тә профсоюз эшендә, 1924 тән РК(б)Ф ҮКК Президиумы әгъзасы һәм РСФСР эшче-керәстиян инспекциясе халык кәмисәре.
• 1925-1926 да БК(б)Ф ҮКның Ленинград һәм Төньяк-Көнбатыш бюросы сәркәтибе.
• 1926-1927 дә БК(б)Ф ҮК сәркәтибе.
• 1927 дән фирканең Урал өлкә комитеты рәисе.
• 1929 да металлистлар профсоюзы ҮКның рәисе.
• 1929 дан ҺББҮШ сәркәтибе, 1930-1944 тә һәм 1953-1956 да ҺББҮШ рәисе, бер үк вакытта 1938-1946 да ССРБ Югары Шурасының Милләтләр Шурасы рәисе.
• 1944-1946 да РСФСР ЮШ Президиумы рәисе.
• 1946-1953 тә ССРБ ЮШ Президиумы рәисе.
• 1956-1966 да СБКФ ҮК каршындагы фирка контроле комиссиясе рәисе, сәяси золым корбаннарын аклау мәсьәләләре белән шөгыльләнгән.

1966 дан пинсәдә.