Намаз

Бу мәкалә Ислам турында

Исламның 5 баганасы

Шәһадәт – Намаз – Зәкят – Ураза – Хаҗ

Кодси шәһәрләр

Мәккә – Мәдинә – Кодүс

Шәхесләр

Мөхәммәд – Әбү Бәкер – Гали Госман – Гомәр

Бәйрәмнәр

Һиҗри Яңа ел – Ислам тәкъвиме Ураза бәйрәме

Корбан – Гашура

Биналар

Мәчет – Манара

Михраб – Кәгъбә

Дин әһелләре

Имам – Мөәзин – Мулла – Мөфти

Коръән һәм башка дини чыганаклар

Коръән – Хәдис – Сөннәт

Фикһ – Фәтва – Шәригать

Мәзһәбләр

Сөнни мәзһәбләр: Хәнәфи, Хәнбәли, Мәлики, Шәфигый

Башка юнәлешләр

Шигыйчелек: Унике имамлык, Исмаилитлар, Зәйдиләр

Мөгътазилиләр – Хариҗилык

Юнәлешләр

Суфилык

Ваххабчылык – Сәләфилек

Җәдитчелек

Әхмәдия

Нама́з яки салә́т (гарәп. صلاة‎‎‎; фар. نماز; төр. Namaz) – Ислам динендә мәҗбүри яки өстәмә гыйбадәт. Мәҗбүри намаз (фарыз) көненә биш тапкыр укыла. Исламның биш баганасының берсе. Намаз ракәгатьләрдән тора.

Мәҗбүри намазның биш төре бар: Иртәнге намаз, Өйлә намазы, Икенде намазы, Ахшам намазы, Ястү намазы. Шулай ук Җомга намазы, Гает намазы, Нәфел намазы һ. б. намаз төрләре бар.

Намаз уку өчен мәҗбүри шартлар

1. Ритуаль чисталык — госелле һәм тәһарәтле булу.
2. Чиста урын — нәҗесләрсез булган урын сайлау.
3. Кыйбла — йөз белән кыйблага табан юнәлү.
4. Ният — намаз укуга ният булу.
5. Изар — кием очларының тубыктан түбән төшмәве.
6. Кием — киемнең нәҗесләрдән пакъ булуы һәм шәригать таләпләренә туры килүе.
7. Аеклык (алкоголь, тәмәке, наркотик матдәләр катгый тыелган).

Намазның рөкенләре - эчендәге фарызлары

1. Тәкбир - намазга керешкәндә Аллаһу әкбәр дию.
2. Кыйәм - кимендә 3 аять укырлык вакыт аякүрә тору.
3. Кыйраәт - кыйәмдә кимендә 3 аять уку.
4. Рөкүгъ - кыйәмнән соң бил тигелтен бөгелү.
5. Сүҗүд - ике тапкыр сәҗдә кылу.
6. Кугъүд - намазның ахырында утырып тору.
7. Тәртип - тәртип белән башкару.

Намаз уку тыелган вакыт

• Кыяш чыгып, сөңге биеклегенә хәтле күтәрелүенәчә булган вакыт.
• Кояш зәвәлдә булганда.
• Кояш баткан вакытта.

Намаз төрләре

Исеме	Вакыты	Фарызга хәтле сөннәт		Фарыз	Фарыздан соңгы сөннәт
		Сөнниләрдә	Шигыйләрдә		Сөнниләрдә	Шигыйләрдә
Фәҗер (Иртәнге) (فجر)	Таң атып кояш чыкканчы	2 ракәгать	2 ракәгать	2 ракәгать	—	—
Зуһр (Өйлә) (ظهر)	Төштән соң	4 ракәгать	8 ракәгать	4 ракәгать	2 ракәгать	—
Гаср (Икенде) (عصر)	Шәүләнең озынлыгы төштәгедән ике тапкыр озынайгач	4 ракәгать	8 ракәгать	4 ракәгать	—	—
Мәгъриб (Ахшам) (مغرب)	Кояш баткач	—	—	3 ракәгать	2 ракәгать	—
Гыйшә (Ястү) (عشاء)	Шәфәкъ кызыллыгы бетү белән	4 ракәгать	4 ракәгать	4 ракәгать	2 ракәгать	2 ракәгать

Чыганак

• Урыс википидиясе
• Әхмәдһади Максуди Гыйбадате Исламия {{{нәшрият}}}.

Сылтамалар

• "Намаз уку тәртибе" китабын йөкләү
• Намаз уку, тәһарәт алу тәртибе