Барак Обама

Wikipedia — ирекле энциклопедия проектыннан
Моңа күчү: навигация, эзләү

Бу мәкаләнең латин әлифбасындагы игезәге бар.

Барак Обама
President Barack Obama.jpg
Рәсми портрет
Тулы исем:

Barack Hussein Obama II[1]

Һөнәре:

АКШ президенты

Туу датасы:

4 август 1961(1961-08-04) (54 яшь)

Туу җире:

Kapiolani Medical Center for Women and Children[1]

Ватандашлыгы:

АКШ

Милләт:

америкалы

Хатыны:

Мишель Обама

Балалары:

Малия Энн һәм Наташа

Култамгасы:

Barack Obama signature.svg

Сайт:

http://www.whitehouse.gov/

Барак Обама Викиҗыентыкта
Wikisource-logo.svg Әсәрләр Викитекада

Барак Хөсәен Обама II (инг. Barack Hussein Obama II, 1961 елның 4 августында туган) – 2009 елның 20 гыйнварыннан башлап Америка Кушма Штатларының 44нче президенты. Президент булуына кадәр Иллинойс штатыннан сенатор булган.

Тормыш юлы[үзгәртү | вики-текстны үзгәртү]

Барак Обама 1961 елның 4 август көнне Америка Кушма Штатларының Һавайя штатындагы Гонолулу каласында чыгышы белән Кениянең луо кабиләсеннән булган ир-ат һәм актәнле америкалы хатын-кыз гаиләсендә дөньяга килә. Атасы да Барак Хөсәен Обама (1936-1982) атлы булганга күрә, кайвакыт аның исем-фамилиясенә латинча II саны өстиләр. Анасы – Стэнли Энн Данһем (Stanley Ann Dunham, 1942–1995), Канзас штатыннан, нәселендә чыгышы белән Бөекбританиядән, Ирландиядән, Алманиядән һәм Швейцариядән булган кешеләр бар.

Президент Обаманың әтисе һәм әнисе Һавайя университетында укыган вакытта өйләнешкәннәр. Ул елларда әле АКШның башка төбәкләрендә ак һәм кара тәнле кешеләренең никахы тыелган булган. 1964 елда алар аерылышалар, булачак президент анасы тәрбиясендә кала. Озакламый әнисе, Индонезия кешесенә тормышка чыга һәм баласын ияртеп әлеге ил башкаласына күчеп китә.

Барак Обама атасы белән соңгы тапкыр ун яше туларак очраша, Биш ел дәвамында ул Джакарта мәктәпләрендә инглизчә белем ала, 1971 елда аны кабат Һавайяга кайтаралар, һәм Барак әнисе ягыннан булган бабасы белән әбисе тәрбиясендә үсә.

1979 елда урта мәктәпне тәмамлый. Колумбия университетында белем ала, аннары Һарвард университетының хокук бүлегендә укый, АКШ конституциясе хокукы буенча белгечлек ала.

1992 елда АКШның Демократлар фиркасенә килеп кушыла. 1997 ел белэн 2004 ел арасында Иллинойс штатының жирле сенат әгъзасы буларак өч мәртәбә сайлана. 2004 елда АКШ Сенаты әгъзасы булып китә.

2008 елда Демократлар фиркасеннән АКШ президентлыгына дәгъвачы буларак тәкъдим ителә һәм сайлауларда Республика фиркасе кандидаты Джон Маккейнны (John McCain) җиңә. 2012 елдагы сайлауларда Митт Ромнидан (Mitt Romney) өстенрәк була. Ике президентлык мөддәтендә дә аның белән бергә АКШ вице-президенты булып Джо Байден (Joe Biden) сайлана

2009 елның 10 декабрендә аңа тынычлык саклау буенча Нобель бүләге бирелә..

Сылтамалар[үзгәртү | вики-текстны үзгәртү]

  1. 1,0 1,1 свидетельство о рождении Барака Обамы