Сынык сызык

Сынык сызык

Гади сынык сызык

Геометриядә $A_{1},A_{2}\dots A_{n}$ нокталардан һәм аларны тоташтыручы $[A_{1}A_{2}]$, $[A_{2}A_{3}]$, …, $[A_{n-1}A_{n}]$ кисемтәләрдән торучы фигура - сынык сызык дип атала. Нокталар - сынык сызыкның түбәләре, ә $[A_{1}A_{2}]$, $[A_{2}A_{3}]$, …, $[A_{n-1}A_{n}]$ кисемтәләр – сынык сызыкның буыннары дип йөртелә. Беренче $A_{1}$ һәм ахыргы $A_{n}$ түбәләр - сынык сызыкның башлары дип әйтелә.

Үз-үзе белән кисешмәгән сынык сызык - гади сынык сызык була. Барлык буыннары яссылыкта яткан сынык сызыкны - яссы сынык сызык диләр. Башлары бер-берсе белән тәңгәл килгән сынык сызык - йомык сынык сызык дип атала.

Сынык сызыкның $[A_{1}A_{2}]$, $[A_{2}A_{3}]$, …, $[A_{n-1}A_{n}]$ буыннары озынлыклары суммасы - сынык сызыкның озынлыгы булып тора. Сынык сызыкның озынлыгы аның башларын тоташтыручы кисемтәдән кыскарак түгел.

Чыганаклар

• Ибатуллина Л. З., Нуруллин Р. Г. Математикадан кыскача белешмәлек. Геометриянең төп формулалары = Краткий справочник по математике. Основные формулы геометрии. – Казан: Яз, 2011. – 140 б. – Библиогр.: 140 б. (10 исем.). – 2000 д.