Лениногорск нефть техникумы

Лениногорск нефть техникумы
Нигезләү елы	1958
Урын	Лениногорск
Адрес	423270 ТР Лениногорск, Җиңүнең 50 еллыгы проспекты, 26нчы йорт.
Сайт	http://leninogorsklpk.ru/
Логотип

Техникум бинасы

Лениногорск нефть техникумы (рус. Лениногорский нефтяной техникум) — Татарстанның Лениногорск шәһәрендә (1951 елдан шәһәр тибындагы бистә, 1955 елдан шәһәр) урнашкан һөнәри белем бирүче уку йорты. Нефть тармагында эшләү өчен белгечләр әзерли.
Гамәлгә куючы — ТР мәгариф һәм фән министрлыгы.
Директор (2010 елдан) — Игорь Сергей улы Врублевский

Тарих

1954 елда Лениногорскида Октябрьский шәһәре (БАССР) нефть техникумының (хәзерге С.И. Кувыкин исемендәге Октябрьский нефть көллияте) кичке уку бүлеге ачыла.

1958 елда Октябрьский нефть техникумының кичке уку бүлеге нигезендә Әлмәттә филиалы булган Лениногорск кичке нефть техникумы оеша. Беренче директоры — Петр Никифор улы Усков.

1966 елдан РСФСР нефть сәнәгате министрлыгы карары белән көндезге, кичке, читтән торып уку бүлекләре булган Лениногорск нефть техникумы. Азнакай эшчеләр бистәсендә 2нче, Төмән өлкәсе Лянтор шәһәрендә 3нче филиаллары ачыла.

Ачылганнан бирле уку йорты Татарстан (башлыча «Татнефть» ААҖ), Башкортстан, Көнбатыш Себер, Ерак Көнчыгыш, якын чит илләрнең нефть тармагында эшләү өчен 20 меңнән артык белгеч әзерләп чыгарган.

Директорлар

• Михаил Андрей улы Чекмарев
• Борис Федор улы Черкасов
• А.К. Зәкиев
• В.А. Мочкина
• А.И. Запорожченко

Белгечлекләр

2017-2018 уку елына Лениногорск нефть техникумына ТР мәгариф һәм фән мнистрлыгы фәрманы буенча 225 укучы кабул ителә.

• Мәгълүмати системалар
• Электр һәм электромеханик җиһазларны техник файдалану һәм карау
• Сәнәгать җиһазларын монтажлау һәм техник файдалану
• Нефть һәм газ яткылыкларын эшкәртү һәм файдалану
• Нефть һәм газ скважиналарын бораулау
• Газ-нефть үткәргечләрен һәм газ-нефть саклагычларын кору һәм файдалану
• Гамәли геодезия
• Нефть һәм газ яткылыклары геологиясе һәм разведкасы
• Табигый байлык чыганакларын эзләү һәм разведкалауның геофизик ысуллары
• Идарәнең автоматик системалары
• Икътисад һәм бухгалтер исәп-хисабы

Чыганаклар

1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

Сылтамалар

• Уку йортының «Татарстан Республикасы электрон мәгарифе» порталындагы сәхифәсе 2020 елның 23 октябрь көнендә архивланган.
• Техникумның рәсми сайты
• ЛНТ: из вечернего отделения в ресурсный центр. «Известия Татарстана», 02.10.2015
• Лениногорский нефтяной. «Элита», 04.03.2010

Моны да карагыз

• Поступающим в Лениногорский нефтяной техникум (видео, 2:29)