Төмән өлкәсе

Төмән өлкәсе Тюменская область Байрак Герб Гимн: Төмән өлкәсе гимны Дәүләт төзелеше Өлкә Рәсми тел урыс Башкала Төмән Губернатор Владимир Якушев Төмән өлкә шурасы рәисе Сергей Корепанов Мәйдан – Барлыгы – % Су 1 435 200 км² км² 1,4% Халык саны – Барлыгы (2010) – Тыгызлык 3 430 196 кеше 2,4 кеше/км² Акча RUB Вакыт UTC MSK (UTC+2, җәй вакытында UTC+3) Интернет домены юк Телефон коды +7

Төмән өлкәсе (рус. Тюменская область) — Русиянең субъекты, Көнбатыш Себер районына урнашкан. Мәйданы 1 435,2 мең км². Халык исәбе 3 430 мең (2010). Шәһәрдә — 91 %. Үзәге — Төмән шәһәре. Хант-Манси һәм Ямал-Ненец автономияле округлары керә. Көнбатыш Себер тигезлегендә урнашкан.

Икътисадының нигезе — нефть һәм газ табу сәнәгате. Нефть чыганаклары — Самотлор, Холмогор һ.б.; газныкы — Уренгой, Ямбург, Медвежья һ.б. Газ эшкәртелә. Машина төзелеше һәм металл эшкәртү (станоклар, приборлар, суднолар, автотрактор һәм тимерчелек прессы җиһазлары, аккумуляторлар һ.б.), урман һәм агач эшкәртү (фанера җитештерү, җыелма өйләр, мебель), химия (пластмасса, химия-фармацевтика продукциясе һ.б.), азык-төлек (балык) һәм җиңел сәнәгать тармаклары үскән. Сургутта ГРЭС-1 һәм ГРЭС-2 эшли. Нефть үткәргечлар: Самотлор–Әлмәт, Самотлор–Самара, Сургут–Полоцк һ.б.; газүткәргечләр: Төмән өлкәсе төньягы–Урал–Үзәк; Уренгой–Чиләбе–Яңа Псков; Пунга–Ухта; Ямбург–Елец; Уренгой–Помары–Ужгород–Көнбатыш Аурупа һ.б.