Муса Җәлил һәйкәле (Мәскәү, Зябликово)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Муса Җәлил һәйкәле (Мәскәү, Зябликово) latin yazuında])
Навигациягә күчү Эзләүгә күчү
Һәйкәл
Муса Җәлилгә һәйкәл
М.Җәлил һәйкәле.jpg
Муса Җәлилгә һәйкәл
Урын Мәскәү, Царицыно паркы
Сынчы Юрий Злотя, Юрий Калмыков
Төзелеш датасы 2012 ел
Материал монолит гранит

Муса Җәлилгә һәйкәл Мәскәү шәһәренең Царицыно паркы (Зябликово районы) территориясендә урнашкан.

Тарих[үзгәртү | вики-текстны үзгәртү]

Һәйкәлнең скульптура өлеше

2012 елның 24 августында «Мәскәүдә Татарстан көннәре» кысаларында Мәскәүнең Зябликово районында Муса Җәлил урамы[1] һәм Братеевская урамы чатындагы Царицыно паркы территориясендә ачылган.

  • Скульптор — Юрий Злотя, Русиянең атказанган рәссамы.
  • Архитектор — Юрий Калмыков.

Сыйфатлама[үзгәртү | вики-текстны үзгәртү]

Монументның биеклеге — 4,6 метр, авырлыгы — 1,5 тонна. Монолит граниттан төзелгән. Шагыйрь әсирлектәге өс һәм аяк киемнәреннән, кулына шигырь дәфтәре тотып сурәтләнгән. Постаментның алдына русча «Мусе Джалилю» дип язылган, постаментның сул ягына русча «Памятник установлен в 2012 году решением Правительства города Москвы и Правительства Республики Татарстан» дип, аскарак «Скульптор Ю.В. Злотя. Архитектор Ю.В.Калмыков» дип язылган.

Һәйкәлне ачу[үзгәртү | вики-текстны үзгәртү]

Чулпан Җәлилова оныгы Миша белән һәйкәл янында

Һәйкәлне ачу тантанасында Татарстан премьер-министры Илдар Халиков, Муса Җәлилнең кызы Чулпан Җәлилова, РФ мәдәният министры урынбасары Андрей Бусыгин катнаша. Русиянең халык артисты Сергей Шәкүров Җәлилнең шигырьләрен укый.

Башка мәгълүмат[үзгәртү | вики-текстны үзгәртү]

Контрактның башлангыч бәясе — 6,418 млн сум (2012). Һәйкәл төзергә Царицыно паркы территориясендә 0,185 га җир бүленгән[2].

Һәйкәлнең скульптурасын һәм гранит постаментын ясау чыгымнарын Татарстан хөкүмәте, һәйкәл тирәсендәге мәйданчыкны кору чыгымнарын Мәскәү шәһәре хөкүмәте күтәргән[3].

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]